«Грузінская мара» знаходзіцца ва ўладзе з 2012 года і прэтэндуе на наступны чатырохгадовы тэрмін. Партыя прадставіла выбары як выбар паміж мірам і вайной, заявіўшы, што перамога апазыцыі ўцягне Грузію ў вайну супраць Расеі.
Апазыцыя называе галасаваньне 26 кастрычніка выбарам паміж Захадам і Расеяй, а таксама паміж дэмакратыяй і аўтарытарызмам. Гэта той самы наратыў, які паўтараюць афіцыйныя асобы ў Злучаных Штатах і Эўропе, якія крытыкавалі «Грузінскую мару» за адыход ад дэмакратыі.
ГЛЯДЗІЦЕ ТАКСАМА: У Грузіі — парлямэнцкія выбары. Чаму яны важныя і што пра іх трэба ведаць?Новая выбарчая сыстэма азначае, што партыі або кааліцыі павінны пераадолець пяціпрацэнтны бар’ер для праходжаньня ў парлямэнт. Гэта падштурхнула апазыцыйныя партыі Грузіі да стварэньня кааліцыі.
«Грузінскую мару» заснаваў мільярдэр, былы прэм’ер-міністр Бідзіна Іванішвілі, самы багаты чалавек Грузіі. У Крамлі не хаваюць, што ім больш падабаецца перамога «Грузінскай мары».
Апытаньні грамадзкай думкі паказваюць, што грузіны ў цэлым падтрымліваюць далучэньне да Эўразьвяза і NATO, але таксама імкнуцца пазьбягаць канфліктаў з Расеяй і глыбока кансэрватыўныя ў такіх пытаньнях, як правы ЛГБТ.