Прэзыдэнт ЗША Джо Байдэн анансаваў пакет дапамогі Ўкраіне ў памеры 425 мільёнаў даляраў.
«Сёньня прэзыдэнт абвясьціў пра выдзяленьне Ўкраіне пакета дапамогі ў галіне бясьпекі ў памеры 425 мільёнаў даляраў, які ўключае дадатковае абсталяваньне супрацьпаветранай абароны, боепрыпасы клясы «паветра-зямля», бронемашыны і важныя боепрыпасы для задавальненьня тэрміновых патрэбаў Украіны», — гаворыцца ў паведамленьні Белага дому па выніках тэлефоннай размовы Байдэна з прэзыдэнтам Украіны Ўладзімірам Зяленскім.
Зяленскі, камэнтуючы сёньняшнія тэлефонныя перамовы, напісаў у Тэлеграме, што ён удзячны прэзыдэнту Байдэну, абедзьвюм партыям Кангрэсу і амэрыканскаму народу за абвешчаны сёньня абаронны пакет у памеры 425 мільёнаў даляраў, які ўключае новыя сыстэмы супрацьпаветранай абароны і зброю далёкага радыюсу дзеяньня.
ГЛЯДЗІЦЕ ТАКСАМА: «Першы пункт — запрашэньне ў NATO. Цяпер». Зяленскі прадставіў плян перамогі ў Вярхоўнай Радзе Ўкраіны