Сустрэча паміж «Мінскам», які выступае ў Вышняй лізе першынства Беларусі і «Маладэчнам-2018», які ўпэўнена ўзначальвае табліцу ў Першай лізе, толькі на паперы насіла статус «таварыскай». На справе футбол аказаўся настолькі баявым, што гульню ня здолелі завяршыць.
Судзьдзі спынілі матч праз масавую бойку, якая пачалася паміж гульцамі абедзьвюх дружынаў.
Лік у сустрэчы пасьля першай паловы быў 1:0 на карысьць «Мінску», але на другую палову пасьля бойкі футбалісты ўжо ня выйшлі, паведамляюць тэлеграм-каналы, прысьвечаныя беларускаму футболу.
Прычыны масавай бойкі пакуль не вядомыя. Афіцыйна клюбы паведамілі, што сустрэчу спынілі «на ўзаемную згоду». Калі б паядынак быў не таварыскім, а афіцыйным, каманды бы чакалі вялікія штрафы і, магчыма, пазбаўленьне пунктаў за сустрэчу з часовым адхіленьнем вінаватых асобаў.
ГЛЯДЗІЦЕ ТАКСАМА: Сілавікі захапілі папулярны тэлеграм-канал пра футбол ГЛЯДЗІЦЕ ТАКСАМА: У беларускім футбольным чэмпіянаце адна каманда перамагла другую зь лікам 50:0, але вынік могуць не ўключыць у афіцыйныя рэкорды