Дата дня
З 9 па 11 кастрычніка 1977 году беларус Уладзімер Кавалёнак зьдзейсьніў свой першы палёт у космас на касьмічным караблі «Саюз-25» (пазыўны «Фатон-1») у якасьці камандзіра карабля. Агулам ён зьдзейсьніў тры палёты ў космас (другі і трэці — у 1978 і 1981 гадах) і правёў там агулам 216 дзён.
ГЛЯДЗІЦЕ ТАКСАМА: Чаму касманаўт Кавалёнак ня стаў прэзыдэнтам БеларусіТаксама ў гэты дзень
1618 — пачалося Магілёўскае паўстаньне супраць царкоўнай уніі. Месьцічы не пусьцілі ў горад Язафата Кунцэвіча.
1648 — войска ВКЛ на чале зь Янушам Радзівілам пасьля аблогі ўзяло Пінск.
1708 — у ходзе Паўночнае вайны 1700—1721 гадоў расейскае войска пад камандаваньнем Пятра I і Меншыкава ў бітве каля вёскі Лясная на Магілёўшчыне разграміла швэдзкі корпус, якім кіраваў Левэнгаўпт.
У гэты дзень нарадзіліся
1892 — Іва Андрыч, югаслаўскі пісьменьнік.
1922 — беларуская акторка Тацяна Аляксеева, заслужаная артыстка Беларусі.
1924 — Аляксандар Аксёнаў, беларускі і савецкі дзяржаўны і палітычны дзяяч. Міністар унутраных спраў БССР (1960–65), старшыня Савету Міністраў БССР (1978–1983), амбасадар СССР у Польскай Народнай Рэспубліцы (1983–85), старшыня Дзяржаўнага камітэту СССР па тэлебачаньні і радыёвяшчаньні (1985–89).
1940 — Джон Ленан, легендарны брытанскі рок-музыка.
1878 — беларускі гісторык Уладзімер Пічэта, адзін з арганізатараў і першы рэктар Беларускага дзяржаўнага ўнівэрсытэту (1921–1929).
1984 — Валярына Кустава, паэтка і тэлевядоўца.
У памяці
1929 — Адам Лісоўскі, адзін з заснавальнікаў беларускага хрысьціянскага руху, каталіцкі сьвятар. Пераклаў на беларускую мову часткі Новага Запавету: Апакаліпсіс, Апостальскія дзеі, лісты сьвятога Паўла.
1967 — Эрнэста Чэ Гевара, аргентынскі рэвалюцыянэр.
1976 — Павал Пракапеня, беларускі, польскі і расейскі опэрны сьпявак
1978 — Жак Брэль, бэльгійскі сьпявак і актор.
2012 — Сяржук Цімохаў, беларускі мастак, удзельнік нацыянальна-дэмакратычнага руху 1980-х – пач. ХХІ ст.
Сяржук Цімохаў