«ПіК Свабоды». Ці будуць судзіць Лукашэнку? Матэрыялы перадалі ў Гаагу

Абмяркоўваем ў «ПіКу Свабоды» з палітолягам і гісторыкам Розай Турарбекавай і юрысткай-міжнародніцай, кандыдаткай юрыдычных навук Кацярына Дзяйкалай.

Апрача таго, на сустрэчах ААН у Нью-Ёрку Беларусь прадстаўлялі дзьве дэлегацыі: міністра замежных справаў Максіма Рыжанкова і лідаркі дэмакратычных сілаў Сьвятланы Ціханоўскай. Якіх вынікаў можна чакаць ад гэтых візітаў?

Цалкам размову глядзіце ў відэафармаце на Youtube.

Дзяйкала: Гэта сур’ёзная справа. Зварот дзяржавы ў Міжнародны крымінальны суд — гэта важны крок. Ніаводная дзяржава на гэта не пайшла б, калі б там ня было ніякіх сур’ёзных падставаў. Безумоўна, яны ёсьць. Гэта артыкул 14-ы Статуту МКС, які дазваляе любой дзяржаве-удзельніцы перадаць пракурору інфармацыю з просьбай расьсьледаваць нейкую справу. У нашым выпадку размова ідзе пра злачынствы рэжыму, якія маюць частковы эфэкт на тэрыторыі Літвы. Але яны масавыя і сыстэмныя, бо гэта палітыка дзяржавы.

Турарбекава: Ня думаю, што для Лукашэнкі гэта справа стварае пагрозу, але пэўныя пытаньні ўзьнікаюць. Яны маюць непрадказальны характар. Нездарма ён сустракае сваіх сяброў, якіх ужо няма на гэтым сьвеце, як Кадафі. У адносінах Каадафі былі розныя прэтэнзіі і іх давялося задавальняць. Была даказаная датычнасьць падначаленых Кадафі да тэрактаў і гэта абышлося лібійскаму ўраду ў мільярдныя кампэнсацыі. Сам жа Кадафі ня змог ўратаваца ад унутраных сатрасеньняў. Думаю, што Лукашэнка адчувае гэта як кепскі знак і сыгнал. Зь міжнароднага пункту гледжаньня, асяродзьдзе становіцца для яго больш варожым і праблемным. Гэта для яго нэгатыўны сыгнал.