У Кіеў прыбылі дзяржаўны сакратар ЗША і міністар замежных спраў Вялікай Брытаніі Энтані Блінкен і Дэвід Лэмі.
Як паведаміла ўкраінскае інфармацыйнае агенцтва РБК-Україна, яны разам прыбылі на цягніку з Польшчы. Гэта іх першая супольная паездка за апошнія гады.
Перад гэтым Энтані Блінкен наведаў Лёндан зь візытам, дзе правёў асобную сустрэчу зь міністрам замежных спраў Вялікай Брытаніі Дэвідам Лэмі. На ёй, як ён паведаміў на сваёй старонцы на плятформе Х, абмеркавалі важнасьць дачыненьняў паміж краінамі, а таксама падтрымку Ўкраіны.
In my meeting with UK Foreign Secretary @DavidLammy, we discussed the importance of the U.S.-UK relationship as we stand united to resolve the critical issues of our time. We also discussed our commitment to supporting Ukraine and the need to reach a ceasefire in Gaza. pic.twitter.com/JrWZWysoth
— Secretary Antony Blinken (@SecBlinken) September 10, 2024
У Кіеў раніцай прыбыў прэзыдэнт Літвы Гітанас Наўседа. «Вайсковая і эканамічная падтрымка Ўкраіны мае вырашальнае значэньне для абароны яе сувэрэнітэту і тэрытарыяльнай цэласнасьці», — напісаў ён на сваёй старонцы ў Х.
Just arrived in Kyiv. Good to return and meet my dear friend @ZelenskyyUa in solidarity with Ukraine.Bringing military and economic support for 🇺🇦 is crucial to defend its sovereignity and territorial integrity. pic.twitter.com/G0Ajwo4bBv
— Gitanas Nausėda (@GitanasNauseda) September 11, 2024
Ва ўкраінскай сталіцы таксама ўжо сустрэлі кіраўніка Сэнату Чэхіі Мілаша Выстрчыла, прэм’ер-міністарку Латвіі Эвіку Сіліню, кіраўніка ўраду Харватыі Андрэя Пленкавіча, кіраўніка парлямэнту Малдовы Ігара Гросу.
Ва Ўкраіне 11 верасьня павінен адбыцца чацьвёрты саміт міжнароднай ініцыятывы «Крымская плятформа», заснаванай у 2021 годзе 47 краінамі і міжнароднымі арганізацыямі. Летась у саміце ўдзельнічалі ўжо 63 дзяржавы і міжнародныя арганізацыі. Плятформу стварылі для садзейнічаньня дэакупацыі Крыму, прыцягненьня ўвагі да парушэньня Расеяй правоў чалавека на паўвостраве, а таксама для ўзмацненьня эўрапейскай і глябальнай бясьпекі.