Аб ім паведаміў міністар абароны Ллойд Осцін, які раней узяў удзел у чарговым пасяджэньні Кантактнай групы па абароне Ўкраіны ў так званым фармаце «Рамштайн», на якім міжнародныя партнэры Ўкраіны абмяркоўваюць з украінскімі прадстаўнікамі вайсковыя пастаўкі. У пасяджэньні ўзяў удзел і прэзыдэнт Украіны Ўладзімір Зяленскі, які прыехаў з візытам у Нямеччыну.
У амэрыканскі пакет увойдуць боепрыпасы, у тым ліку для сыстэм HIMARS і сыстэм супрацьпаветранай абароны, зэнітныя ракеты RIM-7, ПЗРК «Стынгер», а таксама баявыя машыны «Брэдлі» і M113. Дальнабойныя ракеты, пра магчымыя пастаўкі якіх апошнім часам, паводле паведамленьняў СМІ, вядуцца дыскусіі, у паведамленьні не ўзгадваюцца.
ГЛЯДЗІЦЕ ТАКСАМА: На базе «Рамштайн» сабралася кантактная група дапамогі Ўкраіне з удзелам ЗяленскагаАб новых пакетах дапамогі Ўкраіне ў пятніцу паведаміў таксама шэраг іншых краін — у прыватнасьці, Нямеччына паставіць 12 самаходных артылерыйскіх установак, а ў супрацоўніцтве з Даніяй і Нідэрляндамі — 77 танкаў «Леапард 1А5». Міністар абароны Канады Біл Блэр заявіў, што новы пакет канадзкай дапамогі будзе ўключаць у сябе авіяцыйныя ракеты CRV-7, а таксама стралковую зброю.
Прэзыдэнт Украіны Ўладзімір Зяленскі ў сваім выступе закрануў пачаты месяц таму ўкраінскі наступ у расейскай Курскай вобласьці. Па словах Зяленскага, УСУ здолелі заняць 1300 квадратных кілямэтраў расейскай тэрыторыі, а расейскія вайскоўцы страцілі каля 6 тысяч салдат забітымі і параненымі. Незалежнага пацьверджаньня зьвестак аб стратах няма, Расея іх не публікуе. Паводле ацэнак, заснаваных на адкрытых крыніцах, тэрыторыю, якую кантралюе Украіна ў Курскай вобласьці, можна ацаніць прыкладна ў 900 квадратных кілямэтраў, яшчэ больш за 300 — у так званай шэрай зоне.
Germany is and will remain the strongest supporter of Ukraine in Europe. We will support Ukraine for as long as it takes. It was good meeting you today in Frankfurt, @ZelenskyyUa! pic.twitter.com/reGEp4yesz
— Bundeskanzler Olaf Scholz (@Bundeskanzler) September 6, 2024
Таксама ў пятніцу Зяленскі сустрэўся з канцлерам Нямеччыны Оляфам Шольцам.
Шольц ізноў заявіў, што Нямеччына будзе падтрымліваць Украіну «столькі, колькі гэта спатрэбіцца», а Зяленскі зазначыў, што абмяркоўвалася падрыхтоўка да другога «саміту міру».