Беларуская дыяспара абвясьціла міжнародную акцыю «Дзень годнасьці» ў чацьвертую гадавіну прэзыдэнцкіх выбараў і пратэстаў 2020 году ў Беларусі. Беларусы па ўсім сьвеце выйдуць на акцыі супраць дыктатуры Лукашэнкі.
Акцыі й імпрэзы ў розных гарадах сьвету пройдуць з 9 па 11 жніўня.
Расклад (абнаўляецца):
9 жніўня, пятніца
- Беласток, Польшча. 18:30, Rynek Kościuszki 4. Збор удзельнікаў каля помніка Пілсудзкаму ў Беластоку. Удзельнікаў акцыі заклікаюць надзяваць вышыванкі й адзеньне колераў нацыянальнага сьцяга. Дэталі
- Бостан, ЗША, 18:00. Пад адрасам Harvard Davis Center, Tsai Auditorium (S010) пройдзе прагляд стужкі Мары Тамковіч «Пад шэрым небам», натхнёнай рэальнай гісторыяй беларускіх журналістаў Кацярыны Андрэевай і яе мужа Ігара Ільяша. Дэталі
- Брусэль, Бэльгія, 13:45. Збор удзельнікаў — на Place du Luxembourg, Brussels. Мітынг пройдзе каля Эўрапейскага Парлямэнту: Place du Luxembourg, Brussels, 1050. Пасьля мітынгу ўдзельнікі пройдуць маршам да Місіі Дэмакратычнай Беларусі ў Брусэлі, Rue de la Science, 23. Дэталі
- Бэрлін, Нямеччына, 18:00. Пад адрасам Haus der Statistik, Otto Braun str. 70-72 пройдзе выстава «Мама, кажуць, што я тэрарыст» мастачкі Катарыны Бютген. У рамках адкрыцьця выставы наведнікаў запрашаюць далучыцца да сустрэчы беларускай дыяспары ў Бэрліне. Дэталі
- Варшава, Польшча, 18:00. «Марш Годнасьці». Збор удзельнікаў — plac Żelaznej Bramy. Марш пройдзе маршрутам: plac Żelaznej Bramy — Marszałkowska — Świętokrzyska — plac Kopernika. Дэталі
- Вільня, Літва, 17:00. Марш і мітынг, збор удзельнікаў — на Катэдральным пляцы. Удзельнікі акцыі выкажуць падтрымку беларускім палітвязьням, а потым каля мэмарыялу побач з амбасадай Беларусі прыгадаюць тых, хто загінуў за свабоду Беларусі. Дэталі
- Гданьск, Польшча, 18:00. «Марш Годнасьці». Збор удзельнікаў — ля Фантану Нэптуна, марш пройдзе да Эўрапейскага Цэнтру Салідарнасьці. Дэталі
- Клайпеда, Літва, 19:00, збор удзельнікаў каля аркі на Tiltų g., 2. Дэталі
- Кракаў, Польшча. 18:00. Марш і мітынг, збор удзельнікаў — на placu Wielkiej Armii Napoleona. Дэталі
- Рыга, Латвія, 19:00. Мітынг пройдзе на плошчы Латыскіх Стральцоў (Latviešu Strēlnieku laukums).
- Стакгольм, Швэцыя, 18:00. Збор удзельнікаў на пляцы Mynttorget. Дэталі
- Таронта, Канада, 19:30. Пад адрасам 524 St. Clarens Ave. пройдзе спэцыяльны паказ дакумэнтальнага фільму беларускага рэжысэра Андрэя Куцілы «Калі кветкі не маўчаць». Гэты эмацыйны чорна-белы фільм паглыбляецца ў самае сэрца Беларусі падчас бурных наступстваў прэзыдэнцкіх выбараў 2020 году. Дэталі
- Тбілісі, Грузія, 17:00. Збор удзельнікаў каля амбасады Беларусі. «Марш Годнасьці» пройдзе да Першай гімназіі, дзе ў 18:30 распачнецца мітынг. Дэталі
- Торунь, Польшча, 19:00, збор удзельнікаў каля помніка Капэрніку. Дэталі
- Уроцлаў, Польшча. 17:30 — адкрыцьцё выставы Вольгі Якубоўскай «Беларусы — коцікі», ад ul. Świdnicka да ul. Kazimierza Wielkiego. 18:30 — бясплатны канцэрт беларускіх музыкаў пад адрасам Salonik Pub, ul. Braniborska 2/10. Выступаюць: Валянціна Болбас, Адэля Вольская і Алесь Папковіч. Дэталі
- Флярэнцыя, Італія, 11.00. Мітынг пад адрасам Piazza del Duomo, 10. Дэталі
- Шчэцін, Польшча. 19:30. Збор удзельнікаў — на placu Solidarności. Дэталі
10 жніўня, субота
- Быдгашч, Польшча, 16:00. Збор удзельнікаў каля Mostu Staromiejskiego. Дэталі
- Вашынгтон, ЗША, 11:00, Збор удзельнікаў на National Mall between 3rd and 4th Streets. Дэталі
- Кёльн, Нямеччына, 13:30. Збор удзельнікаў на Köln Heumarkt. Дэталі
- Лёндан, Вялікая Брытанія, 13:00. Збор удзельнікаў на Downing Street. Дэталі
- Уроцлаў, Польшча, 14:00. Дыскусійная сустрэча «Ці існуе беларуская дыяспара Ўроцлава?» пройдзе пад адрасам Przejście Dialogu, ul. Świdnicka 19. 16:00 — «Марш Годнасьці» з pl. Wolności. 17:00 — Мітынг на Pręgierzu, Rynek. Дэталі
- Чыкага, ЗША, 13:00. Збор удзельнікаў пад адрасам 435 Michigan Ave, Chicago, IL. Дэталі
- Шарлат, Паўночная Караліна, ЗША, 20:00. Збор удзельнікаў у Romare Bearden Park, Charlotte NC. Дэталі
11 жніўня, нядзеля
- Нью-Ёрк, ЗША, 13:00. Збор удзельнікаў на Sheep Meadow — Central Park. Дэталі
- Сан Францыска, ЗША, 13:00. Збор удзельнікаў у Huddarat park.