Стары падвясны мост у мястэчку разабралі. Паставяць новы.
Ад старога моста засталіся два пілёны, якія стануць асновай для новага, мадэрнізаванага мосту, піша «Онлайнэр». У бэлек, канатаў і пілёнаў зьявіцца падсьвятленьне.
Рамонт робіць арганізацыя «Мостабуд».
Стары мост збудавалі ў 1990-м. Ён быў разьлічаны на нагрузку 200 кіляграмаў на квадратны мэтар. З часам, яна, аднак, стала ў 1,5 раза большай. Нагрузка на новым мосьце на такую ж адзінку будзе роўнай 400 кіляграмам.
Новыя канаты заказаныя ў Кітаі, яны прыбудуць у Масты ў верасьні або кастрычніку. Гэта дазволіць працягнуць работы. Будаўнікі разьлічваюць завяршыць усе работы да канца году.
ГЛЯДЗІЦЕ ТАКСАМА: 21 тысяча квадратных мэтраў ямаў. Пра стан дарог у Беларусі — ад кіроўцы і высокіх чыноўнікаў