Пастанова кіраўніка ўлады Масквы Сяргея Сабяніна апублікаваная на сайце гарадзкой адміністрацыі.
Прычыны рашэньня ў дакумэнце не прыводзяцца, піша расейская служба Радыё Свабода.
Плошчу адкрылі ў 2002 годзе, на ёй усталяваныя калёны са сьцягамі эўрапейскіх краін і скульптура «Выкраданьне Эўропы», створаная бэльгійцам Аліўе Страбэлем. Яе Маскве падараваў урад Бэльгіі. Архітэктурнае рашэньне павінна было сымбалізаваць адзінства эўрапейскіх краін, пісала на пачатку 2000-х маскоўская гарадзкая прэса.
Перайменаваньне праведзена на фоне рэзкага ахаладжэньня адносін Расеі з эўрапейскімі краінамі пасьля расейскага ўварваньня ва Ўкраіну. Большасьць дзяржаў кантынэнту расейскі ўрад унёс у сьпіс «недружалюбных» Маскве.
Побач з плошчаю — Кіеўскі вакзал і гандлёвы цэнтар «Эўрапейскі», іх назвы не мяняліся.
ГЛЯДЗІЦЕ ТАКСАМА: Сталі вядомыя новыя дэталі падрыву аўтамабіля ў Маскве. Пацярпеў вайсковы выведнік ГЛЯДЗІЦЕ ТАКСАМА: Атака дронаў на Крэмль. Асноўныя вэрсіі: дзёрзкі выпад, правакацыя ці нешта яшчэ