«Беларускі народ глыбока шануе ўсё, што вы зрабілі для перамогі нашай справы. Гісторыя не забудзе, як вы цьвёрда падтрымлівалі нас у імкненьні да свабоды і дэмакратыі», — напісала Сьвятлана Ціханоўская ў «Х» (былым «Твітэры»), зьвяртаючыся да прэзыдэнта ЗША.
Ціханоўская і Байдэн сустракаліся 28 ліпеня 2021 года ў Вашынгтоне і 12 ліпеня 2023 года ў Вільні на саміце NATO. 26 сакавіка 2022 года яны правялі тэлефонную размову, піша «Позірк».
Thank you, 🇺🇸 President @JoeBiden, for your unwavering support and solidarity with democratic #Belarus. The Belarusian people deeply appreciate all you have done to champion our cause. History will not forget how you stood firmly with us in our pursuit of freedom and democracy. pic.twitter.com/h02DuqbVmF
— Sviatlana Tsikhanouskaya (@Tsihanouskaya) July 21, 2024
21 ліпеня 81-гадовы Байдэн аб’явіў аб выхадзе з барацьбы за пасаду кіраўніка дзяржавы, выбары якога пройдуць 5 лістапада. Амэрыканскі кіраўнік, якога заклікала адмовіцца ад паходу на другі тэрмін нават частка прыхільнікаў, падтрымаў вылучэньне віцэ-прэзыдэнткі Камалы Гарыс (59 гадоў). Выбары кандыдата ад Дэмакратычнай партыі пройдуць у жніўні. Кандыдат ад Рэспубліканскай партыі ўжо вызначаны — 78-гадовы Дональд Трамп, прэзыдэнт ЗША ў 2017-2021 гадах.
Байдэн заявіў аб намеры працаваць на пасадзе прэзыдэнта да канца тэрміну (20 студзеня 2025 года).
Ціханоўская і Байдэн сустракаліся 28 ліпеня 2021 года ў Вашынгтоне і 12 ліпеня 2023 года ў Вільні на саміце NATO. 26 сакавіка 2022 года яны правялі тэлефонную размову.
ГЛЯДЗІЦЕ ТАКСАМА: «Складанае, але моцнае рашэньне», — рэакцыя ў ЗША і сьвеце на выхад Байдэна з выбараў ГЛЯДЗІЦЕ ТАКСАМА: Байдэн выйшаў з выбарчай гонкі. Што будзе адбывацца цяпер