Раней Малец асудзілі з палітычных матываў на «хатнюю хімію». Зь верасьня 2023 году жанчына знаходзілася ў зьняволеньні ў рамках новай крымінальнай справы.
Першапачаткова яе абвінавачвалі ў «фінансаваньні экстрэмісцкай дзейнасьці». Але 5 сакавіка прэс-служба Сьледчага каміьтэту паведаміла, што ёй выставілі абвінавачаньне паводле чч. 1 і 2 арт. 361-4 КК («Садзейнічаньне экстрэмісцкай дзейнасьці»).
Сілавікоў зацікавіла актыўнасьць жанчыны ў ажыцьцяўленьні грашовых пераводаў палітвязьням, адзначае «Вясна». Таксама сьледчыя знайшлі, што яна была ў закрытай суполцы ў Facebook, якая належыць «экстрэмісцкаму фармаваньню». Праваабаронцы мяркуюць, што гаворка ідзе пра «Письма Солидарности Беларусь 2020».
8 ліпеня Берасьцейскі абласны суд пачынае разгляд справы Натальлі Малец. Працэс вядзе судзьдзя Руслан Сянько.
ГЛЯДЗІЦЕ ТАКСАМА: На 63-гадовую жыхарку Берасьця завялі крымінальную справу за грашовыя пераводы палітвязьням