Даты дня
7 ліпеня 1869 году нарадзіўся Лявон Вітан-Дубейкаўскі, галоўны ўрадавы архітэктар БНР. Адзін з заснавальнікаў беларускага мадэрну і нэаготыкі ў дойлідзтве. Аўтар паэтычных твораў. Пабудаваў цэрквы на Смаленшчыне, аднаўляў касьцёлы ў Амсьціславе, Воршы, Крычаве й Смалянах, спраектаваў цэрквы ў Відзах, Дрысьвятах і мноства іншых будынкаў на Віленшчыне. У 1917 годзе быў сябрам Беларускага нацыянальнага камітэту ў Менску. Выконваў абавязкі прадстаўніка БНР у Варшаве.
ГЛЯДЗІЦЕ ТАКСАМА: Куды пайсьці на Дзяды за мяжой. Пахаваньні вядомых беларусаў у Літве, Польшчы, Латвіі, Украіне, Грузіі7 ліпеня 1882 году нарадзіўся Іван Луцэвіч (Янка Купала), клясык беларускай літаратуры, паэт, драматург, публіцыст, выдатны дзеяч беларускага Адраджэньня пачатку XX стагодзьдзя.
ГЛЯДЗІЦЕ ТАКСАМА: Янка Купала — пра геапалітыку, рэпрэсіі, мову і аптымізм. (Не)прыдуманае інтэрвію пісьменьніка Свабодзе
Таксама ў гэты дзень
1548 — у Кракаве ў Вавельскім саборы адбылося пахаваньне караля і вялікага князя Жыгімонта І Старога.
1846 — ЗША абвясьцілі аб анэксіі Каліфорніі, якая тады была часткай Мэксыкі.
1930 — выйшаў апошні нумар віленскай беларускай газэты «Сялянская Ніва».
1937 — напад японскіх войскаў на кітайскі гарнізон на мосьце Лугоўцяо (мосьце Марка Пола) недалёка ад Пэкіну. Інцыдэнт лічыцца пачаткам Другой сусьветнай вайны ў Азіі.
1944 — пачалася апэрацыя «Вострая Брама»: аддзелы Арміі Краёвай прынялі ўдзел ў баях за Вільню разам з Чырвонай Арміяй. Пазьней польскія аддзелы былі абяззброеныя і арыштаваныя НКУС.
1972 — у Менску паставілі помнік Янку Купалу.
2000 — у Менску зьнік бязь вестак тэлеапэратар Зьміцер Завадзкі.
Зьміцер Завадзкі.
ГЛЯДЗІЦЕ ТАКСАМА: Што са справамі зьніклых апанэнтаў Лукашэнкі2005 — 4 тэрарысты-самагубцы зрабілі сэрыю нападаў у лёнданскім мэтро і аўтобусах, загінулі 52 чалавекі.
У гэты дзень нарадзіліся
1796 ― Ян Чачот, беларускі паэт.
1797 — Шаміль, імам, лідэр змаганьня народаў Каўказу з расейскім уладараньнем.
Імам Шаміль на кані, карціна Мікалая Сьвярчкова
1860 ― Густаў Малер, аўстрыйскі дырыгент і кампазытар.
1869 — Лявон Вітан-Дубейкаўскі, беларускі палітычны і грамадзкі дзеяч, паэт, архітэктар.
1884 — Ліён Фэйхтвангер, нямецкі пісьменьнік.
1893 ― Міраслаў Крлэжа, адзін з найбуйнейшых харвацкіх пісьменьнікаў ХХ стагодзьдзя.
1894 — Антон Борык, беларускі палітычны і вайсковы дзяяч, дыплямат Беларускай Народнай Рэспублікі, удзельнік Слуцкага збройнага чыну.
1922 — П’ер Кардэн, францускі мадэльер.
1940 — Рынга Стар, брытанскі музыка, бубнач гурту The Beatles.
1961 ― Вінцук Вячорка, беларускі навуковец і палітык, адзін з заснавальнікаў моладзевага нацыянальнага руху на пачатку 1980-х гадоў, лідэр Партыі БНФ з 1999 па 2007 год.
Вінцук Вячорка
У памяці
1572 ― Жыгімонт Аўгуст, кароль польскі і вялікі князь літоўскі.
1633 ― Леў Сапега, дзяржаўны і вайсковы дзеяч Вялікага Княства Літоўскага.
1892 ― Ян Чэрскі, беларускі геоляг і дасьледчык Сібіру, яго імем названая горная сыстэма на паўночным усходзе Сібіру (хрыбет Чэрскага).
1926 ― Антоні Ґаўдзі-і-Курнэт, каталёнскі архітэктар.
Sagrada Familia, архітэктурны комплекс у Барсэлёне, створаны Антоні Ґаўдзі
1930 ― Артур Конан Дойл, брытанскі пісьменьнік.
Артур Конан Дойл