Дата дня
29 чэрвеня 1940 году адбылася адна з найбуйнейшых дэпартацыяў жыхароў Заходняй Беларусі ў Сібір. Толькі за адзін гэты дзень савецкія ўлады вывезьлі 23 тысячы чалавек.
Таксама ў гэты дзень
1440 — вялікім князем літоўскім, рускім і жамойцкім быў абраны Казімер Ягелёнчык.
Вялікі князь літоўскі і кароль польскі Казімер Ягелёнчык
1613 — дашчэнту згарэў лёнданскі тэатар «Глёбус».
1944 — пачалася Менская апэрацыя савецкіх войскаў, у выніку якой вызвалілі Менск.
1984 — уведзеная ў эксплюатацыю 1-я лінія Менскага мэтрапалітэну.
У гэты дзень нарадзіліся
1896 — Уладзіслаў Казлоўскі, беларускі грамадзка-палітычны дзеяч, паэт, публіцыст.
1900 — Антуан дэ Сэнт-Экзюпэры, францускі пісьменьнік і лётчык.
Антуан дэ Сэнт-Экзюпэры
1913 — Часлаў Будзька, беларускі грамадзкі дзеяч, гісторык, настаўнік.
1925 — Юры Астроўскі, беларускі акадэмік, дырэктар Інстытуту біяхіміі Акадэміі навук, стваральнік Горадзенскай біяхімічнай школы.
1934 — Юры Градаў, архітэктар.
1956 — Ніна Баршчэўская, беларуская мовазнаўца, грамадзкая й культурная дзяячка, кіраўніца катэдры беларускай філялёгіі Варшаўскага ўнівэрсытэту.
Ніна Баршчэўская
1962 — Мікола Маркевіч, беларускі журналіст і палітык, дэпутат Апазыцыі БНФ у Вярхоўным Савеце 12-га скліканьня, рэдактар горадзенскай газэты «Пагоня».
Мікола Маркевіч (у цэнтры) у рэдакцыі газэты «Пагоня», 1992.
У памяці
1871 — Ксэнафонт Гаворскі, гісторык і археоляг.
1934 — Эдуард Пякарскі, нарадаволец, сасланы ў Сібір, дзе стаў вучоным якутазнаўцам.
1938 — Аляксандар Сянкевіч, мэдык, наркам здароўя БССР (расстраляны).
1958 — Фабіян Ярэміч, палітык, культурны дзяяч. Сябра Рады БНР у 1918 годзе. Актыўна ўдзельнічаў у працы Таварыства беларускай школы.
1986 — Аўген Вярбіцкі, біяхімік, дзяяч беларускай эміграцыі.
1994 — Іван Ласкоў, беларускі пісьменьнік, перакладчык, крытык, гісторык.
2016 — Вольга Караткевіч, журналістка, супрацоўніца Радыё Свабода.
Вольга Караткевіч