Як адзначае Reform.by, паводле правілаў Міжнароднай асацыяцыі лёгкаатлетычных фэдэрацый (World Athletics), спартовец, які зьмяніў краіну, павінен адбыць трохгадовы карантын. 20 чэрвеня будзе тры гады з таго часу, як Жодзік выступала за Беларусь. З гэтага дня яна здолее выступаць на міжнародных стартах за Польшчу. Жодзік выканала нарматыў для ўдзелу ў Алімпіядзе на чэмпіянаце Польшчы, у якім удзельнічала па-за залікам.
«Гэта праўда — Польскі алімпійскі камітэт атрымаў мэйл, што Марыя Жодзік з 20 чэрвеня можа афіцыйна рэпрэзэнтаваць Польшчу на міжнароднай арэне. Яшчэ чакаем на афіцыйнае пацьверджаньне ад МАК, што яна зможа выступаць у складзе зборнай Польшчы ў Парыжы-2024. Упэўнены, што гэта будзе толькі фармальнасьць», — напісаў кіраўнік Польскага алімпійскага камітэту Радослаў Пясевіч у сацыяльнай сетцы X.
To prawda - do @PKOL_pl dotarł mail, że Maria Żodzik od 20 czerwca będzie mogła oficjalnie reprezentować Polskę na arenie międzynarodowej.Czekamy jeszcze na oficjalne potwierdzenie od @Olympics, że będzie mogła wystartować w Olimpijskiej Reprezentacji Polski w #Paryż2024.…
— Radosław Piesiewicz (@RPiesiewiczPKOl) June 18, 2024
Жодзік трэнуецца ў беластоцкім клюбе Podlasie Białystok. У 2020 годзе яна падпісала адкрыты ліст спартоўцаў за сумленныя выбары і супраць гвалту.