Колькасьць загінулых ад расейскага ракетнага абстрэлу Крывога Рогу павялічылася да васьмі чалавек, больш за 20 параненыя, сярод іх ёсьць дзеці, паведаміў міністар унутраных спраў Украіны Ігар Кліменка.
«Яшчэ 4 чалавекі лічацца зьніклымі бязь вестак», — напісаў ён у тэлеграме.
Украінскія праваахоўныя органы распачалі дасудовае расьсьледаваньне ў крымінальным вядзеньні па факце парушэньня законаў і звычаяў вайны, спалучанага з наўмысным забойствам.
Раней мясцовыя ўлады паведамлялі, што расейскія войскі абстралялі жылы сэктар у Крывым Рогу. Пашкоджаны адміністрацыйны будынак і жылы дом.