Часовы павераны ў справах Беларусі ў Францыі Кірыл Грушэўскі ў этэры дзяржаўнага тэлеканалу СТВ заявіў, што пасольства Беларусі ня толькі не атрымала запрашэньня, але сярод францускіх чыноўнікаў ніхто «не спрабаваў зьвязацца».
Таксама Грушэўскі заявіў, што ў Элізэйскім палацы вагаліся, і ўсё ж дзеля «сваіх палітычных амбіцыі» не запрасілі беларускую дэлегацыю.
«Гэтае рашэньне мы разглядаем як неканструктыўны і памылковы крок з боку Францыі, гэтае рашэньне зьяўляецца чарговым пацьверджаньнем недружалюбнай палітыкі Парыжа ў дачыненьні нашай дзяржавы», — сказаў часовы павераны.
Акрамя дэлегацыі Беларусі на 80-годзьдзе высадкі ў Нармандыі саюзьнікаў па антыгітлераўскай кааліцыі, на сьвяточную цырымонію не запрасілі і дэлегацыю Расеі. Гэта зьвязана з поўнамаштабнай вайной, якую Расея пры дапамозе Лукашэнкі пачала супраць Украіны.
ГЛЯДЗІЦЕ ТАКСАМА: У Нармандыі ўспамінаюць «Дзень Д». Без прадстаўнікоў Расеі і Беларусі. ФОТА ГЛЯДЗІЦЕ ТАКСАМА: Гісторыя як зброя прапаганды. Алесь Пашкевіч пра тое, чаму Пуціна не запрасілі ў Нармандыю