Мінінфарм унёс у сьпіс «экстрэмісцкіх матэрыялаў» Youtube-канал беларускага паэта Андрэя Хадановіча.
Пра гэта паведамляе «Мэдыязона» са спасылкай на абноўлены сьпіс «экстрэмісцкіх матэрыялаў» на сайце Міністэрства інфармацыі.
У сьпіс дадалі і асабістую старонку літаратара ў Facebook. Тэлеграм-канал Хадановіча ўнесьлі ў пералік у кастрычніку 2023 году.
На сваім Youtube-канале Хадановіч расказвае пра беларускую і сусьветную літаратуру. Нядаўнія выпускі прысьвечаныя творчасьці Мойшэ Кульбака і Якуба Коласа.
У сьпіс «экстрэмісцкіх матэрыялаў» таксама дадалі тэлеграм-канал «Беларускага дому правоў чалавека імя Барыса Звозскава», Інстаграм валейбалісткі Кацярыны Сныцінай і старонку крамы мэрчу палку Каліноўскага @krama.kalinouskaha.
ГЛЯДЗІЦЕ ТАКСАМА: Пяць кніг для гэтага лета. Што можна пачытаць сёлета ў адпачынку