Былы прэзыдэнт і прэм'ер-міністар Манголіі Цахіягійн Элбэгдорж на просьбу беларускага палітычнага камэнтатара Дзьмітрыя Балкунца выказаў у сацсетцы Х сваё стаўленьне да гэтага візыту.
Many wonder why Lukashenko is coming to UB. The pariah dictator is eager to advance the Kremlin’s project. Harass the “Oasis of democracy” and push Mongolia for full membership in the Shanghai Cooperation Organization. The country is facing a crucial parliamentary poll this June.… pic.twitter.com/xWhV0Q8e7X
— Mongol Tsakhia ELBEGDORJ (@elbegdorj) May 31, 2024
«Дыктатар-ізгой імкнецца прасунуць крамлёўскі праект. Уціснуць «аазіс дэмакратыі» і падштурхнуць Манголію да паўнапраўнага сяброўства ў Шанхайскай арганізацыі супрацоўніцтва. Краіна стаіць перад важнымі парлямэнцкімі выбарамі ў чэрвені гэтага году. Ленінісцкая партыя Манголіі і прэм'ер-міністар Оюун-Эрдэнэ адчайна спрабуюць утрымаць уладу. Нішто не зьяўляецца супадзеньнем».
Парлямэнцкія выбары ў Манголіі адбудуцца 28 чэрвеня. На іх будуць спаборнічаць кіроўная Народная партыя, прадстаўнік якой Луўсанамсрайн Оюун-Эрдэнэ ўзначальвае ўрад, і Дэмакратычныя партыя, да якой належыць экс-прэзыдэнт Элбэгдорж.
Былы прэзыдэнт Манголіі апублікаваў у Х яшчэ адзін пост — з заклікам арыштаваць Лукашэнку ва Ўлан-Батары.
Лукашенко УБ-т буух сурагтай. Монгол нь ОУЭШ-ийн #RomeStatue-д нэгдсэн, @IntlCrimCourt-д шүүгчтэй улс. #ХүнТөрөлхтний эсрэг гэмт хэрэг үйлдсэн этгээд ирэх нь. Зохих бэлтгэлийг хангасан гэдэгт итгэе. Дэлхийн хамтын нийгэмлэгийн өмнө хуулиар хүлээсэн үүргээ биелүүлж л таарна.… pic.twitter.com/xCuIXZT9GC
— Mongol Tsakhia ELBEGDORJ (@elbegdorj) May 31, 2024
«Паведамляецца, што Лукашэнка прыбудзе ва Улан-Батар. Манголія зьяўляецца ўдзельніцай Рымскага статуту і мае судзьдзю ў Міжнародным крымінальным судзе. Чакаецца прыбыцьцё асобы, якая ўчыніла злачынствы супраць чалавечнасьці. Спадзяюся, што адпаведныя меры будуць прынятыя. Перад міжнароднай супольнасьцю Манголія выканае свае юрыдычныя абавязаньні. Перамога справядлівасьці стане сусьветнай падзеяй, і гэта прынясе Манголіі добрую рэпутацыю».
У лютым сёлета Цахіягійн Элбэгдорж зьедліва адрэгаваў на заяву Ўладзімера Пуціна ў інтэрвію Такеру Карлсану пра тое, што большая частка Ўкраіны належала Расейскай імпэрыі.
Экс-прэзыдэнт Манголіі ў сетцы Х вывесіў мапу імпэрыі Чынгісхана, у якую уваходзіла ладная частка тэрыторыі сучаснай РФ.
After Putin’s talk. I found Mongolian historic map. Don’t worry. We are a peaceful and free nation🌏 pic.twitter.com/w5c2Hr0cQK
— Mongol Tsakhia ELBEGDORJ (@elbegdorj) February 11, 2024