«Нашая грузінская мара жыць у абʼяднанай і моцнай Грузіі з нашымі абхаскімі і асэтынскімі братамі і сёстрамі. Абʼяднаная і моцная Грузія павінна стаць паўнавартасным сябрам эўрапейскай сямʼя ў 2030 годзе!» — напісаў ён на сваёй старонцы ў сацыяльнай сетцы Х (былы Твітэр).
I congratulate Independence Day to each Georgian, each citizen of our country, celebrating the main day of the nation within the country or beyond its borders. Our Georgian dream is to live in a united and strong Georgia by 2030 together with our Abkhaz and Ossetian brothers… pic.twitter.com/kXB2ggpS6T
— Irakli Kobakhidze (@PM_Kobakhidze) May 26, 2024
Кабахідзэ ўзначальвае ўрадавую партыю «Грузінская мара», якую апазыцыя абвінавачвае ў прарасейскасьці.
Два рэгіёны Грузіі (Абхазія і Паўднёвая Асэтыя) знаходзяцца пад фактычнай расейскай акупацыяй. Расея прызнала іх незалежнымі дзяржавамі пасьля пяцідзённай вайны з Грузіяй у 2008 годзе.
- Раней Эўракамісія заклікала грузінскія ўлады адмовіцца ад прыняцьця закону «Аб празрыстасьці іншаземнага ўплыву», які крытыкі называюць аналягам рэпрэсіўнага расейскага закона аб «іншаземных агентах». Закон выклікаў шматтысячныя пратэсты ў Тбілісі і ў іншых гарадах Грузіі. Эўракамісія зазначыла, што рашэньне «нэгатыўна паўплывае на эўрапейскія пэрспэктывы Грузіі», бо закон падрывае грамадзянскую супольнасьць і пагражае свабодзе СМІ. Летась Грузія атрымала статус кандыдата на ўступленьне ў Эўразьвяз, але перамовы аб гэтым яшчэ не пачаліся.