Сакратар камісіі ў надзвычайных сытуацыях пры райвыканкаме Руслан Рабчэўскі заявіў, што празь «дзейнасьць» баброў і значныя ападкі ў апошнія дні грэбля ня вытрымала напору вады і яе патокі накіраваліся ўніз да возера Нарач, паведамляе Эўрарадыё са спасылкай на выданьне «Нарачанская зара».
Ратавальнікі паведамлялі, што напярэдадні ў Мядзельскім раёне падтапіла дарогу Р-28 каля вёскі Пасынкі — каля 15 мэтраў. Да таго ж яшчэ аказаліся размытыя 25 мэтраў узбочыны.
ГЛЯДЗІЦЕ ТАКСАМА: Украінец прыплыў па Дняпры на матрацы ў Беларусь. «Транспартны сродак» сканфіскавалі