Італьянскі мадэльер Раберта Кавалі памёр 12 красавіка на 84 годзе жыцьця ў Флярэнцыі, паведаміла газэта Corriere della Sera. Ён працаваў у сьвеце моды з 1970-х да продажу правоў на названы яго імем брэнд у 2015 годзе.
Кавалі скончыў Акадэмію прыгожых мастацтваў у Флярэнцыі, ён спрабаваў сябе ў ролі мастака, затым фатографа, а ў 1970-м прадставіў першую калекцыю на паказе прэт-а-партэ ў Парыжы.
Ён адкрыў краму з джынсамі ў францускім Сен-Сцежцы, дзе прадаваў перашытыя джынсы іншых брэндаў. Страціўшы вядомасьць у 80-е, ён прыйшоў да новага піку папулярнасьці ў канцы 90-х, калі ў моду ўвайшлі яго фірмовыя анімалістычныя прынты ў колер шкур жывёл: леапардаў, тыграў і зэбраў.
2010 год. Паказ калекцыі ў Калюмбіі.
Кавалі быў жанаты тройчы, у яго засталося шасьцёра дзяцей. Агенцтва ANSA паведамляе, што ён доўга хварэў і ў апошнія дні ягоны стан пагоршыўся. Аб часе і месцы пахаваньня не паведамлялася.
ГЛЯДЗІЦЕ ТАКСАМА: Твідавы жакет з джынсамі, толькі худыя мадэлі — спадчына Карла Лягерфэльда празь беларускі ракурс