Міністэрства адукацыі вызначыла даты Цэнтралізаванага тэставаньня ў Беларусі

Міністэрства адукацыі Рэспублікі Беларусь вызначыла тэрміны і пункты правядзеньня цэнтралізаванага тэставаньня. Яны вызначаны пастановай ведамства № 28 ад 12 сакавіка.

ЦТ будзе адбывацца з 27 траўня па 6 чэрвеня:

• беларуская мова — 30 траўня;
• расейская мова — 30 траўня;
• грамадазнаўства — 27 траўня, 6 чэрвеня;
• матэматыка — 27 траўня, 3 чэрвеня;
• біялёгія — 27 траўня, 3 чэрвеня;
• замежная мова (ангельская, нямецкая, француская, гішпанская, кітайская) — 27 траўня, 3 чэрвеня;
• хімія — 27 траўня, 6 чэрвеня;
• фізыка — 27 траўня, 6 чэрвеня;
• гісторыя Беларусі — 27 траўня, 6 чэрвеня;
• геаграфія — 27 траўня, 3 чэрвеня;
• усясьветная гісторыя (найноўшы час) — 27 траўня, 3 чэрвеня.

Дадатковыя дні ЦТ:

• 19 чэрвеня можна будзе прайсьці тэст па ўсіх прадметах;
• 23 чэрвеня — другая дата для здачы іспыту па беларускай і расейскай мовах;
• 21 чэрвеня — па астатніх прадметах, якія ўваходзяць у сьпіс навучальных прадметаў для правядзеньня ЦТ.
• Час пачатку ЦТ, у тым ліку ў рэзэрвовыя дні — 11:00.

Зарэгістравацца для праходжаньня ЦТ неабходна з 9 па 22 красавіка (час працы пунктаў рэгістрацыі — з 9.00 да 19.00 (у суботнія (13 і 20 красавіка) дні — з 9.00 да 18.00)). Для праходжаньня ЦТ у рэзэрвовыя дні абітурыенты павінны прайсьці рэгістрацыю з 10 па 14 чэрвеня.

Выдача сэртыфікатаў ЦТ — 1 ліпеня.

Тэставаньне сёлета пройдзе на тэрыторыі 40 ўстаноў адукацыі ў буйных раённых, абласных цэнтрах і сталіцы.