У панядзелак 25 сакавіка прэзыдэнт Літоўскай Рэспублікі Гітанас Наўседа павіншаваў народ Беларусі і беларусаў Літвы, якія адзначаюць Дзень Волі, піша Delfi.it.
Паводле яго, Літва працягвае актыўна падтрымліваць беларускую грамадзянскую супольнасьць і імкнецца садзейнічаць таму, каб галасы беларусаў у міжнароднай супольнасьці былі пачутыя.
«Сёньня, як і кожны дзень, я хачу яшчэ раз запэўніць, што падтрымка Літвы дэмакратычнай Беларусі, яе незалежнасьці і сувэрэнітэту непахісная. Мы падтрымліваем імкненьне ўсяго народу Беларусі жыць у свабоднай і дэмакратычнай дзяржаве», — заявіў кіраўнік літоўскай дзяржавы.
Прэзыдэнт Літвы пажадаў беларусам заставацца моцнымі і згуртаванымі, працягваць змагацца за свабоду сваёй краіны, не дазваляючы выкарыстоўваць сваю дзяржаву ў ваеннай агрэсіі супраць Украіны.
ГЛЯДЗІЦЕ ТАКСАМА: Прэзыдэнт Літвы пра закрыцьцё яшчэ двух пунктаў пропуску на мяжы зь Беларусьсю: жалезная заслона ўжо ёсьць ГЛЯДЗІЦЕ ТАКСАМА: Літоўская прэм’ерка Шыманіце: Літва працягне дыскусію аб прававым становішчы беларусаў і кіраваньні мяжой