Чарговы факт перасьледу за ахвяраваньні ў Беларусі.
Два тыдні ў Гомельскі абласным судзе разглядалася крымінальная справа былога галоўнага інжынэра гомельскага прадпрыемства «Мілкавіта» Аляксандра Стругальскага. 47-гадовага жыхара Гомля абвінавацілі ў фінансаваньні «экстрэмісцкай» дзейнасьці паводле арт. 361-2 КК.
Справу з 25 студзеня разглядаў судзьдзя Сяргей Багінскі.
Паводле праўладных тэлеграм-каналаў, Стругальскі «спрабаваў сарваць правядзеньне рэспубліканскага рэфэрэндуму», а таксама дасылаў грошы ў фонд BySol, піша «Вясна». Іншыя акалічнасьці справы пакуль невядомыя.
У выніку Стругальскага пакаралі абмежаваньнем волі тэрмінам на 3 гады без накіраваньня ва ўстанову адкрытага тыпу.
ГЛЯДЗІЦЕ ТАКСАМА: Палітвязьня Аляксандра Зіязетдзінава другі раз судзяць за данаты. Яму пагражае да 15 гадоў калёніі ГЛЯДЗІЦЕ ТАКСАМА: By_Help: на людзей, якія «адкупіліся» за данаты, заводзяць крымінальныя справы за дзяржаўную здраду