На відэа з пахаваньня бачныя больш за тысячу людзей, якія прыйшлі на пахаваньне Аляксея Навальнага. З раніцы да царквы ў гонар абраза Божай Маці «Суціш мой смутак», дзе а 14-й пачнецца адпяваньне Аляксея Навальнага, сьцягнулі некалькі дзясяткаў аўтазакаў.
Эфір тэлеканалу «Настоящее время»:
Як можна было пабачыць у ранішняй трансьляцыі тэлеканалу «Дождь», аўтазакі прыпаркаваныя ўздоўж дарогі, што вядзе да царквы ў Мар’іне пад Масквой.
Чарга на разьвітаньне з Навальным
На Барысаўскіх могілках, дзе плянуюць пахаваць расейскага палітыка, з 29 лютага пачалі дзяжурыць супрацоўнікі паліцыі. На ўезьдзе таксама стаіць аўтамабіль патрульнай службы, машыны маскоўскіх гарадзкіх службаў і аўтазак.
На пахаваньні Навальнага ў Маскве
Журналісты, як паведаміў тэлеканал «Настоящее время», зафіксавалі некалькіх супрацоўнікаў Цэнтру супрацьдзеяньня экстрэмізму (Цэнтру «Э») у цывільным, а каля мэтро «Барысава» — узмоцненыя нарады паліцыі.
Пахаваньне Аляксея Навальнага
Аднак за тры гадзіны да пачатку цырымоніі каля храма ўсё роўна пачалі зьбірацца людзі.
Калі катафалк прыехаў да царквы і пачалі выносіць труну зь целам Навальнага, людзі пачалі пляскаць у далоні і выгукваць: «Аляксей! Аляксей! Аляксей!», «Не прабачым!», «Навальны!», «Расея будзе вольнай!». Прадстаўнікі ягонай каманды паведамілі, што яшчэ патрэбна некалькі хвілін для падрыхтоўкі да службы. Спачатку ў царкву ўвойдуць сваякі, а потым, пэўна, пачнуць запускаць людзей, якія цяпер стаяць у чарзе на разьвітаньне.
Праз пэўны час прадстаўнікі каманды Аляксея Навальнага паведамілі аб праблемах з сувязьзю, у выніку чаго немагчыма атрымаць дакладную інфармацыі аб тым, што адбываецца ўнутры царквы. Вакол царквы ў некалькіх месцах сьвятары іншых цэркваў пачалі чытаць малітву.
Якіх-небудзь інцыдэнтаў ў царкве і каля яе не адбылося.
Пасьля адпяваньня ў царкве труну зь целам Аляксея Навальнага перамясьцілі ў катафалк і павезьлі на могілкі для пахаваньня. Натоўп людзей зьнёс агароджу і накіраваўся за катафалкам у кірунку могілак.
Аўтазакі каля царквы ў Мар’іне пад Масквой. Фота AP
Каманда Аляксея Навальнага заклікала грамадзян прыходзіць на службу і пахаваньне раней, а жыхароў іншых гарадоў і краін а 19-й пакласьці кветкі да мэмарыялаў.
- Паводле афіцыйнай вэрсіі, Аляксей Навальны памёр у калёніі 16 лютага. Аднак расейскія праваабаронцы кажуць, што Навальнага, магчыма, катавалі перад сьмерцю, у прыватнасьці зьвязвалі і катавалі холадам.
- Гэтую інфармацыю перадалі галоўнаму расьсьледніку сьмерці Навальнага Хрысту Грозеву. Gulagu.net заклікаў адкласьці пахаваньне Навальнага і правесьці незалежную экспэртызу і дасьледаваньні па-за межамі Расеі.
Сілавікі ля царквы ў Маскве, дзе будзе разьвітаньне з Навальным
ГЛЯДЗІЦЕ ТАКСАМА: Паплечніца Навальнага заявіла, што яго забілі, каб сарваць абмен на расейскага шпіёна ГЛЯДЗІЦЕ ТАКСАМА: Эўрапарлямэнт усклаў адказнасьць за сьмерць Навальнага на Пуціна ГЛЯДЗІЦЕ ТАКСАМА: Што вядома пра Юлію Навальную, якая заявіла, што працягне справу памерлага ў расейскай турме мужа