Ужо сёньня: гадавіна аднаўленьня дзяржаўнасьці Літвы

Гэты дзень у гісторыі

1918 — была абвешчаная незалежная Літоўская Рэспубліка; гэты дзень адзначаецца ў Літве як дзяржаўнае сьвята — Дзень аднаўленьня дзяржаўнасьці.

1925 — пры Інбелкульце заснавалі бібліятэку, цяпер гэта Цэнтральная навуковая бібліятэка імя Якуба Коласа НАН Беларусі.

Навуковая камісія Інстытуту беларускай культуры (Інбелкульт), 1922 год, Менск. Сядзяць зьлева направа: Я. Купала, А. Круталевіч, Я. Лёсік, С. Некрашэвіч, У. Чаржынскі, В. Шэмпель, М. Байкоў. Стаяць зьлева направа: 1, 2 - ?, 3 - Ч. Родзевіч, 4 - Я. Колас, 5 - К.М. Гадыцкі-Цьвірка, 6 - Я. Дыла (са слоў М. Улашчыка).

1999 — у Беларусі пачаўся першы пасьля абвяшчэньня незалежнасьці перапіс насельніцтва.

У гэты дзень нарадзіліся

1895 — Францішак Кушаль, беларускі вайсковы і палітычны дзеяч, публіцыст.

1902 — Рыгор Мурашка, беларускі паэт.

1925 — Іван Навуменка, беларускі пісьменнік і літаратуразнавец, акадэмік Акадэміі навук Беларусі, Народны пісьменнік Беларусі (1995).

Алесь Адамовіч, Іван Мележ, Іван Навуменка і Янка Брыль. Канец 1960-х гг. (з архіву сям’і І. Мележа)

1939 — Чэслаў Немэн, музыка і сьпявак, які нарадзіўся ў Беларусі.

Урачыстае адкрыцьцё мэмарыяльнай шыльды, прысьвечанай польскаму музыку і кампазытару беларускага паходжаньня Чэславу Немэну, у Горадні. Горадня, 6 чэрвеня 2019 году

У памяці

1665 — Стэфан Чарнецкі, вайсковы дзеяч Рэчы Паспалітай.

1871 — Шаміль, імам, лідэр каўкаскіх горцаў, кіраўнік Паўночна-Каўкаскага імамату.

Імам Шаміль, карціна

1905 — Павал Баброўскі, беларускі гісторык і этнограф.

1952 — Еўсьцігней Міровіч, беларускі драматург і тэатральны рэжысэр.

Еўсьцігней Міровіч

1987 — Залман Гарэлік, беларускі геоляг, арганізатар геалягічнае службы Беларусі.

2012 — Леанід Анцімонаў, беларускі графік, жывапісец і педагог зь Віцебшчыны.