Згодна зь Візавым кодэксам, Эўрапейская камісія ацэньвае неабходнасьць пераглядаць памер візавых збораў раз на тры гады.
Цяпер шэнгенская віза каштуе 80 эўра для дарослых і 40 эўра для дзяцей, а для грамадзян краін, якія недастаткова супрацоўнічаюць з ЭЗ у пытаньнях рэадмісіі, — 120-160 эўра.
Пры гэтым вонкавыя пастаўшчыкі паслуг, якія зьбіраюць заявы на візы, звычайна бяруць за абслугоўваньне плату ў памеры да паловы стандартнага візавага збору, цяпер ён для беларусаў складае 35 эўра.
Эўракамісія лічыць павышэньне памераў візавага збору апраўданым, улічваючы ўзровень інфляцыі і памер сярэдняй зарплаты дзяржаўных службоўцаў у краінах Эўразьвязу.
ГЛЯДЗІЦЕ ТАКСАМА: «Купляць тур, па-іншаму ніяк». Расказваем, як беларусы цяпер атрымліваюць шэнгенскія візыНа падставе сваіх разьлікаў Эўракамісія прапануе павялічыць візавы збор на 12,5% і ўстанавіць наступныя цэны:
- 90 эўра для дарослых і 45 эўра для дзяцей да 12 гадоў;
- 135-180 эўра для грамадзян краін, якія недастаткова супрацоўнічаюць з ЭЗ у рэадмісіі.
Павышэньне не закране памер візавых збораў для краін, зь якімі заключаныя пагадненьні аб спрашчэньні візавага рэжыму.
ГЛЯДЗІЦЕ ТАКСАМА: «Беларусам трэба вярнуць шэнгенскія візы, каб яны езьдзілі ў Эўропу, а ня ў Сочы», — кіраўнік Беларускага дому ў Варшаве ГЛЯДЗІЦЕ ТАКСАМА: Рада Эўразьвязу часткова прыняла Баўгарыю і Румынію ў Шэнгенскую зону. Такое ў гісторыі Эўразьвязу ўпершыню