«Усяго з моманту сынхранізацыі турбагенэратара першага энэргаблёка БелАЭС з энэргасыстэмай Беларусі выпрацавана звыш 23 млрд кВт. гадз электраэнэргіі. Два энэргаблёкі забясьпечваюць ужо каля 40 працэнтаў патрэбнасьці рэспублікі ў электраэнэргіі. Гэта выводзіць Беларусь у лік сусьветных лідэраў па долі атамнай генэрацыі ў агульным энэргабалянсе». — заявіў Аляксандр Ерын.
Паводле Белта, з уводам атамнай станцыі Беларусь поўнасьцю адмовілася ад імпарту электрычнай энэргіі. Нібыта зьніжана і залежнасьць рэспублікі ад імпартаванага прыроднага газу.
ГЛЯДЗІЦЕ ТАКСАМА: Новы дырэктар БелАЭС расказаў, што станцыя працуе на поўную магутнасьцьЗа ўвесь час з пачатку эксплюатацыі БелАЭС яе першы энэргаблёк спыняўся некалькі дзясяткаў разоў. Міжнароднае агенцтва атамнай энэргетыкі ў сваёй справаздачы адзначала, што ў 2022 годзе першы энэргаблёк БелАЭС не вырабляў электраэнэргіі 54,6% часу.
16 сьнежня 2023 году гэты блёк уключылі ў сетку пасьля чарговага плянава-папераджальнага рамонту.
Першы энэргаблёк АЭС сілкуе энэргасыстэму Беларусі з 3 лістапада 2020 году (прамыслова эксплюатуецца з чэрвеня 2021-га), другі — з 13 траўня 2023 году.
У той жа час дагэтуль ня выбралі пляцоўку для захоўваньня радыяактыўных адкідаў зь БелАЭС.