Вядома, што захварэлі сотні вязьняў.
У Наваполацкай папраўчай калёніі № 1, верагодна, успышка грыпу, паведамляе праваабарончы тэлеграм-канал «MAYDAY TEAM».
Згодна з паведамленьнем, мэдчастка калёніі перапоўненая, а ў некаторых атрадах (2-м і 10-м) прастудныя захворваньні мае палова асуджаных. Гэта сотні чалавек.
З прычыны эпідэміі вязьням Наваполацкай ПК-1 адмененыя тэлефонныя званкі.
Наваполацкая папраўчая калёнія № 1 вядомая як адна з самых жорсткіх у Беларусі. Тут утрымліваюць Віктара Бабарыку, Ігара Лосіка і Андрэя Кузьнечыка, агулам каля 190 палітвязьняў.
ГЛЯДЗІЦЕ ТАКСАМА: «Завернутыя» перадачы, чуткі пра ПКТ. Што вядома пра знакавых палітвязьняў, зь якімі амаль год няма сувязі