Гэты дзень у гісторыі
1831 — польскі Сэйм абвясьціў пра скіданьне расейскага цара Мікалая І з польскага пасаду. Гэта была важная акцыя ў часе антырасейскага паўстаньня 1831 году. Менавіта 25 студзеня ў Варшаве нарадзіўся лёзунг, зьвернуты да расейскага народу: «За вашу і нашу свабоду!» Праўда, пасьля гэтага Расея паслала ў Польшчу вялізнае войска і пасьля 9 месяцаў крывавых баёў паўстаньне было задушанае. На доўгі час Польшча была пазбаўленая незалежнасьці і лічылася часткай Расейскай імпэрыі.
1858 — падчас вясельля прускага кронпрынца Фрыдрыха і брытанскай прынцэсы Вікторыі прагучаў вясельны марш Мэндэльсона. Пасьля гэтай цырымоніі марш атрымаў шырокую папулярнасьць.
1924 — у францускім альпійскім гарадку Шамані пачаліся першыя зімовыя Алімпійскія гульні.
1972 — у Менску нарадзіўся мільённы жыхар.
2004 — Міхэіл Саакашвілі заступіў на пасаду прэзыдэнта Грузіі.
Міхэіл Саакашвілі, студзень 2004 г.
2011 — у Эгіпце пачалася рэвалюцыя, якая прывяла да зрынаньня прэзыдэнта Хосьні Мубарака.
Рэвалюцыя ў Эгіпце, Каір, плошча Тахрыр, 2011
У гэты дзень нарадзіліся
1759 — Робэрт Бэрнс, шатляндзкі паэт.
Робэрт Бэрнс
1804 — Антон Адынец, беларускі паэт, перакладчык, мэмуарыст, выдавец.
Антон Адынец
1844 — Кацярына Брэшка-Брэшкоўская, ураджэнка Віцебскай губэрні, «бабуля рускай рэвалюцыі», расейская рэвалюцыянэрка, першая жанчына-палікатаржанка, сябра ЦК партыі эсэраў і баявой арганізацыі гэтай партыі.
1869 — Адам Гурыновіч, беларускі паэт.
1938 — Уладзімір Высоцкі, расейскі бард, паэт і актор.
Уладзімір Высоцкі
1955 — Аляксандар Лакотка, беларускі архітэктар, гісторык архітэктуры, этнограф, дырэктар Інстытуту мастацтвазнаўства, этнаграфіі і фальклёру імя К. Крапівы.
Аляксандар Лакотка
У памяці
1938 — Тамаш Грыб, беларускі грамадзкі, палітычны і культурны дзяяч. Стварыў у Празе Беларускае (Крывіцкае) культурнае таварыства імя Ф. Скарыны. Адзін з кіраўнікоў і старшыня з 1930 да 1932 году Аб’яднаньня беларускіх студэнцкіх арганізацыяў у Празе.
Тамаш Грыб