Летась такія аб’екты зьявіліся ў Берасьцейскай і Гомельскай абласьцях.
Начальнік галоўнага ўпраўленьня баявой падрыхтоўкі Ўзброеных сіл Беларусі Аляксандар Бас заявіў аб намеры цягам 2024 году стварыць у Горадзенскай вобласьці, на мяжы зь Літвой і Польшчай, трэці «вузел супраціву».
Як паведаміла выданьне «Союзное вече», летась «вузлы супраціву» стварылі ў Берасьцейскай і Гомельскай абласьцях.
«Вузлы супраціву» ствараюць з удзелам мясцовых уладаў, і пасьля іх аснашчэньня перадаюць на балянс Узброеных сіл. На гэтых аб’ектах потым праводзяць баявую падрыхтоўку падразьдзелаў апэратыўнага камандаваньня і сіл спэцыяльных апэрацый.
ГЛЯДЗІЦЕ ТАКСАМА: Менск абвясьціў аб першых з пачатку году вайсковых вучэньнях на захадзе Беларусі
«Стварэньне гэтых вузлоў супраціву мае вялікае значэньне для спэцыяльных ваенных апэрацый, бо яны дазваляюць выконваць задачы самастойна або ізалявана», — паведаміла выданьне.
ГЛЯДЗІЦЕ ТАКСАМА: «Больш за 500 тысяч мінаў». Вальфовіч паскардзіўся на сытуацыю на беларуска-ўкраінскай мяжы