Ён параіў ахвотным зьвяртацца ў ягоную прыёмную або ў прыёмную мэра Белгараду Валянціна Дзямідава, або на гарачыя тэлефоны экстраных службаў. Па словах Гладкова, жыхарам у той жа дзень дапамогуць часова пераехаць у пункты часовага разьмяшчэньня ў гарадах Стары Аскол і Губкін.
Белгарад і вобласьць у апошні тыдзень зазнаюць абстрэлы. У выніку ракетнага ўдару 30 сьнежня загінулі 25 чалавек, больш за 100 пацярпелі. З таго моманту абстрэлы рэгіёну адбываюцца практычна штодзень.
Атака на Белгарад адбылася пасьля масаванага абстрэлу расейскімі войскамі Ўкраіны 29 сьнежня. Тады ў розных рэгіёнах краіны загінулі каля 40 цывільных жыхароў.
ГЛЯДЗІЦЕ ТАКСАМА: Адбыўся самы магутны абстрэл тэрыторыі Расеі за час вайны. У Белгарадзе загінулі 14 чалавек, больш за 100 параненых. ВІДЭАПрэзыдэнт Расеі Ўладзімір Пуцін назваў удары па Белгарадзе тэрарыстычным актам. Украінскія вайскоўцы абстрэлы тэрыторыі РФ звычайна не камэнтуюць. Крыніца выданьня «Ўкраінская праўда» ў спэцслужбах сьцьвярджае, што УСУ атакавалі вайсковыя аб’екты, але нібыта з прычыны няўмелых дзеяньняў расейскай СПА абломкі ракет упалі ў цэнтры гораду.
- З пачатку шырокамаштабнага ўварваньня ва Ўкраіну, толькі паводле афіцыйных зьвестак, загінулі больш за 10 тысяч цывільных жыхароў гэтай краіны. Пры гэтым расейскія вайскоўцы і прадстаўнікі ўладаў сьцьвярджаюць, што наносяць удары толькі па вайсковых і інфраструктурных абʼектах.
- 29 сьнежня тэрыторыя Ўкраіны зазнала адну з самых маштабных расейскіх атак за ўвесь час поўнамаштабнай вайны. Загінулі каля 40 чалавек, дзясяткі атрымалі раненьні.
- Напярэдадні на пасяджэньні Рады бясьпекі ААН расейскі прадстаўнік Васілій Небензя заявіў, што ва Ўкраіне не было б ахвяраў сярод цывільных жыхароў пры расейскіх абстрэлах, калі б ня дзеяньні ўкраінскай СПА.