Савет Міністраў Беларусі зацьвердзіў аб’ёмы і крыніцы фінансаваньня дзяржаўнай праграмы ў стварэньні інфраструктуры пунктаў пропуску на дзяржаўнай мяжы краіны.
Як адзначаецца ў апублікаванай на Нацыянальным прававым інтэрнэт-партале Беларусі пастанове ўраду, у 2025 годзе ўлады плянуюць прыцягнуць 52,5 мільёна рублёў міжнароднай тэхнічнай дапамогі.
Агульная вартасьць праграмы, якая рэалізуецца з 2021 году, складае 225,3 мільёна рублёў.
У 2021 годзе Беларусь атрымала 61,7 мільёна рублёў міжнароднай тэхнічнай дапамогі на рэалізацыю дзяржаўнай праграмы па стварэньні памежнай інфраструктуры.
З 2022 году, пасьля таго, як Аляксандар Лукашэнка падтрымаў расейскае ваеннае ўварваньне ва Ўкраіну, міжнародныя арганізацыі спынілі свой удзел у фінансаваньні будаўніцтва беларускай памежнай інфраструктуры.
ГЛЯДЗІЦЕ ТАКСАМА: Станцыі дэзынфэкцыі на мяжы вырашылі адкрываць толькі на КПП, якія працуюцьУ лістападзе 2023 году Савет Міністраў Беларусі вырашыў спыніць фінансаваньне і дзейнасьць станцый дэзынфэкцыі — іх вырашылі адкрываць толькі на КПП, якія працуюць. Такое рашэньне ўхвалілі пасьля таго, як суседнія краіны Эўразьвязу закрылі некалькі памежных пераходаў на мяжы зь Беларусьсю.
ГЛЯДЗІЦЕ ТАКСАМА: Латвія гатовая цалкам закрыць мяжу зь Беларусьсю ў выпадку эскаляцыі мігранцкага крызісу ГЛЯДЗІЦЕ ТАКСАМА: Памежныя службы Літвы, Латвіі і Польшчы абмеркавалі альгарытмы дзеяньняў на выпадак поўнага закрыцьця межаў зь Беларусьсю