Паводле інфармацыі СМІ, кантракт коштам 270 млн даляраў прадугледжвае пастаўку ў Польшчу чатырох камплектаў па шэсьць дронаў у кожным — усяго 24 машыны і 12 станцый кіраваньня.
Чакаецца таксама, што ў 2024 годзе ў Польшчы зьявяцца турэцкія ракеты з лазэрным навядзеньнем MAM-L і MAM-C.
Як паведамляе «Позірк», акрамя тэхнікі і ўзбраеньня, Варшава набыла пакет навучаньня і матэрыяльна-тэхнічнага забесьпячэньня, а пагадненьне прадугледжвае перадачу тэхналёгій, якія дазволяць польскім спэцыялістам самастойна рамантаваць і абслугоўваць некаторыя кампанэнты, такія як рухавікі і станцыі кіраваньня.
Паводле інфармацыі Генэральнага штабу Войска Польскага за 25 сьнежня, пэрыяд Божага Нараджэньня на польска-беларускай мяжы прайшоў «досыць мірна». Польскі бок зафіксаваў толькі некалькі інцыдэнтаў на кантраляваным участку.
Bayraktar TB2 — дрон даўжынёй 6,5 мэтра і шырынёй 12 мэтраў. Можа быць узброены лёгкімі ракетамі МАМ (МАМ-L і МАМ-С), супрацьтанкавымі ракетамі UMTAS або 70-мм кіраваным ракетным комплексам Cirit.
Ударныя дроны Bayraktar, якія мае на ўзбраеньні Ўкраіна, добра зарэкамэндавалі сябе пры адбіцьці расейскай вайсковай агрэсіі зімой-вясной 2022 году.