«Што ж, сябры. З сумам паведамляю, што з 21.11 бар „Тяни-толкай“ зачынены. Разам з кухняй пасьпеў папрацаваць цэлыя 4 дні. Напэўна, новы рэкорд», — напісаў Павал Клышэўскі.
Пра тое, што саліст вядомага беларускага гурту адкрыў у Менску бар «Тяни-толкай», стала вядома ў лістападзе. Яго адкрылі на Ўральскім завулку, дом 3.
Аднымі зь першых наведнікаў бару сталі ўдзельнікі пошукава-выратавальнага атраду «Анёл». Заснавальнік бару Павал Клышэўскі ў сацыяльных сетках выказаў ім павагу за дабро, якое яны робяць.
Як заўважыла «Наша Ніва», адзін з каналаў сілавікоў напісаў, што бар нібыта замовіў рэкляму на «экстрэмісцкім» рэсурсе.
ГЛЯДЗІЦЕ ТАКСАМА: Чаму ўлады зьнішчаюць грамадзянскую супольнасьць?26 кастрычніка 2020 году шэраг бараў, кавярняў і іншых установаў харчаваньня ў Менску і іншых гарадах далучыліся да агульнанацыянальнага страйку, абвешчанага дэмакратычнай лідэркай Беларусі Сьвятланай Ціханоўскай (сярод іх папулярныя ўстановы на Зыбіцкай і Кастрычніцкай вуліцах сталіцы). Пасьля гэтага да іх з праверкамі прыйшлі санстанцыя і іншыя дзяржаўныя арганізацыі. На падставе вынікаў праверак установы сталі масава закрываць рашэньнем санітарна-эпідэміялягічнай службы і Міністэрства аховы здароўя.
ГЛЯДЗІЦЕ ТАКСАМА: У Менску закрылі яшчэ дзясятак бараў і кавярняў, якія не працавалі ў дзень абвешчанага страйку ГЛЯДЗІЦЕ ТАКСАМА: «Нас страшна запалохалі». Улады закрылі гомельскія кавярні, рэстарацыі і прадпрыемствы, якія не працавалі 26 кастрычніка ГЛЯДЗІЦЕ ТАКСАМА: «Мы ўсё зрабілі правільна». Гаспадары горадзенскага бару пра закрыцьцё пасьля страйку. ВІДЭА