Міністар абароны ЗША Лойд Остын прыехаў ва ўкраінскую сталіцу зь неабвешчаным раней візытам.
«Я толькі што прыехаў у Кіеў, каб сустрэцца з украінскімі лідэрамі. Сёньня я тут, каб перадаць важнае паведамленьне — Злучаныя Штаты будуць працягваць падтрымліваць Украіну ў яе барацьбе за свабоду супраць агрэсіі Расеі, як цяпер, так і ў будучыні», — напісаў Лойд Остын на сваёй старонцы ў сацыяльнай сетцы Х (раней Twitter).
I just arrived in Kyiv to meet with Ukrainian leaders. I’m here today to deliver an important message – the United States will continue to stand with Ukraine in their fight for freedom against Russia’s aggression, both now and into the future. pic.twitter.com/1D96aeeACl
— Secretary of Defense Lloyd J. Austin III (@SecDef) November 20, 2023
Напярэдадні Лойд Остын правёў тэлефонную размову зь міністрам абароны Ўкраіны Рустэмам Умеравым.
Наступнае пасяджэньне кантактнай групы ў пытаньнях абароны Ўкраіны (фармат «Рамштайн») адбудзецца ў фармаце відэаканфэрэнцыі «Рамштайн». Папярэдняя сустрэча ў гэтым фармаце адбылася ў верасьні.
ГЛЯДЗІЦЕ ТАКСАМА: Зяленскі нечакана прыехаў на пасяджэньне групы «Рамштайн» і нагадаў, адкуль Расея пачала вайну супраць Украіны