Запуск карабля быў зроблены з касмадрома Бока-Чыка ў Тэхасе ў суботу, 18 лістапада, каля 7:00 раніцы па мясцовым часе (у 13:00 па Грынвічы). Ракета SuperHeavy вывела ў космас Starship. Плянавалася, што карабель павінен абляцець вакол Зямлі, пасьля чаго зваліцца ў Ціхім акіяне ў раёне Гавайскіх выспаў.
У кампаніі, аднак, расцэньваюць запуск як посьпех, паколькі быў дасягнуты прагрэс у параўнаньні з першым выпрабаваньнем ракеты, якое прайшло ў красавіку.
«На адзін крок бліжэй да мэты!» — напісаў Ілон Маск у сацсетцы X. Кампанія SpaceX таксама павіншавала ўсіх датычных да выпрабаваньняў з пасьпяховым запускам.
Падчас першых выпрабаваньняў, якія адбыліся ў красавіку гэтага года, Starship павінен быў зьдзейсьніць амаль поўны абарот вакол зямнога шара — аднак ён узарваўся праз чатыры хвіліны пасьля старту.
На гэты раз карабель быў у палёце ўдвая больш часу. Акрамя таго, ракеце SuperHeavy удалося штатна стартаваць. І калі падчас красавіцкіх выпрабаваньняў ракета не дасягнула этапу аддзяленьня прыступак, то ў гэты раз аддзяленьне прыступак прайшло ў штатным рэжыме.
Шматразовая ракетная сыстэма складаецца з касьмічнага карабля Ship 24 і носьбіта Super Heavy. Яе вышыня дасягае 120 мэтраў. Яна вышэй любой іншай ракеты, калі-небудзь створанай у сьвеце. Носьбіт Super Heavy удвая больш магутны, чым створаная NASA для пілятуемых палётаў на Месяц цяжкая ракета Space Launch System (SLS).
ГЛЯДЗІЦЕ ТАКСАМА: Ракета-носьбіт з караблём Starship выбухнула неўзабаве пасьля старту. ФОТА, ВІДЭА