Пра гэта выданьню Office Life расказалі ў прэсавай службе піваварнай кампаніі.
Паводле службы, «Аліварыя» мае выключнае права прадстаўляць міжнародныя брэнды на тэрыторыі Беларусі. Некалькі зь іх ужо лякалізаваныя і вырабляюцца.
Генэральны дырэктар кампаніі Ілля Крапівін раказаў, што праект лякалізацыі 1664 году Blanc заняў практычна год. Куратарам працэсу сумесна са спэцыялістамі кампаніі «Аліварыя» быў Дэры Унвэр, старшы мэнэджар у піваварных прадуктах цэнтру інавацый і дасьледаваньняў Carlsberg Group, які знаходзіцца на піваварні Kronenbourg у францускім горадзе Абэр.
У паведамленьні прэсавай службы «Аліварыі» гаворыцца, што для захаваньня ўсіх умоў лякалізацыі спатрэбіліся інвэстыцыі ў абсталяваньне. Пры вытворчасьці 1664 Blanc павінны выкарыстоўвацца адмысловыя імянныя дрожджы Kronenbourg, яія павінны быць не ніжэй за першую генэрацыю. Дрожджы, як і для іншых гатункаў, якія вырабляюцца на заводзе «Аліварыя», даставілі з Даніі з цэнтральнай лябараторыі групы Carlsberg.
У пачатку кастрычніка стала вядома, што адзін з найбуйнейшых у сьвеце вытворцаў піва, дацкая кампанія Carlsberg, заявіла аб адкліканьні ліцэнзій на ўсе свае брэнды ў расейскай дачкі, піваварнай кампаніі «Балтыка».
ГЛЯДЗІЦЕ ТАКСАМА: Піўная кампанія Carlsberg адклікала ў расейскай «Балтыкі» ліцэнзію на ўсе свае брэнды