Прэм’ер-міністар Ізраіля Біньямін Нэтаньягу, адказваючы на пытаньні журналістаў пасьля сустрэчы са сваякамі заложнікаў, узятых групоўкай ХАМАС, заявіў, што наземная апэрацыя ў паласе Газы зьяўляецца другім этапам вайны з «вельмі выразнымі мэтамі», піша Haaretz.
Нэтаньягу адзначыў, што ізраільскія сухапутныя сілы ўвайшлі на тэрыторыю, якую ён назваў «апорай зла» (маючы на ўвазе паласу Газы), каб ліквідаваць ХАМАС і вярнуць закладнікаў дадому, піша BBC.
Нэтаньягу сказаў, што ізраільскія салдаты і камандзіры «цяпер знаходзяцца ў паласе Газы, яны дыслякаваныя паўсюль».
Ён таксама адхіліў абвінавачаньні ў ваенных злачынствах на адрас Ізраіля. З падобнымі сьцьвярджэньнямі выступаюць некаторыя лідэры мусульманскіх краін сьвету, у тым ліку прэзыдэнт Турэччыны Рэджэп Эрдаган (ён казаў пра гэта ў суботу падчас мітынгу салідарнасьці з палестынцамі са Стамбуле).
ГЛЯДЗІЦЕ ТАКСАМА: Эрдаган назваў Ізраіль «акупантам» на мітынгу ў падтрымку Газы. Ізраіль адклікае дыпляматаў з ТурэччыныНа сваёй прэс-канфэрэнцыі Нэтаньягу не называў якіх-небудзь імёнаў, але заявіў: «Ня трэба абвінавачваць нас у вайсковых злачынствах. Калі вы думаеце, што можаце вінаваціць нашых салдат у ваенных злачынствах, гэта крывадушнасьць. Мы самае маральнае войска ў сьвеце».
Ён адзначыў, што ЦАХАЛ прымае меры засьцярогі для абароны цывільнага насельніцтва, і абвінаваціў ХАМАС у злачынствах супраць чалавечнасьці, паколькі, паводле яго слоў, групоўка выкарыстоўвае свой народ у якасьці жывога шчыта.
ГЛЯДЗІЦЕ ТАКСАМА: Маск дазволіў выкарыстоўваць Starlink у Газе. У Ізраілі гавораць аб разрыве адносін са Space XВайна Ізраілю з ХАМАСам. Асноўнае
- 7 кастрычніка 2023 году Ізраіль зазнаў ракетнага ўдару з боку сэктару Газа, а баевікі руху ХАМАС прарваліся на тэрыторыю краіны, забіўшы ня меней за 260 удзельнікаў музычнага фэсту і захапіўшы сотні закладнікаў. Некаторых людзей расстрэльвалі проста на вуліцах.
- Уварваньне з сэктару Газа адбылося ў 50-ю гадавіну пачатку вайны Суднага дня 1973 году.
- Армія абароны Ізраілю (ЦАХАЛ) у адказ на атаку пачала ваенную апэрацыю «Жалезныя мячы». Ужо 8 кастрычніка Ізраіль афіцыйна абвясьціў стан вайны.
- ХАМАС папярэдзіў, што будзе забіваць аднаго з закладнікаў кожны раз, калі ізраільскія вайскоўцы будуць бамбіць цывільныя аб’екты ў Газе.
- Іран заявіў, што не бярэ ўдзелу ў вайне, але адкрыта заявіў пра падтрымку дзеяньняў ХАМАСу. Найвышэйшы ўладар Ірану аятала Алі Хамэнэі заявіў: «Мы цалуем рукі тым, хто плянаваў напад на сыянісцкі рэжым».
- Колькасьць параненых беларусаў на 10 кастрычніка 2023 году — 3 чалавекі. Стан адной з параненых жанчын цяжкі.
- 10 кастрычніка ў кібуцы Кфар Аза побач з сэктарам Газа выявілі целы дзясяткаў забітых, у тым ліку малых дзяцей.
- Міністар абароны Ізраілю Яаў Галант 11 кастрычніка заявіў, што войска пераходзіць да поўнамаштабнага наступу на сэктар Газа.
- Лібанская ўзброеная групоўка «Хезбала» 11 кастрычніка абстраляла супрацьтанкавымі ракетамі пазыцыі ізраільскіх вайскоўцаў і заявіла, што забіла і параніла іх.
- Па стане на 17 кастрычніка вядома, што ў Ізраілі з пачатку вайны загінулі трое грамадзян Беларусі.
- Ізраіль у лістападзе 2023 году пайшоў у атаку на сэктар Газа і заявіў аб пашырэньні наземнай апэрацыі.
- 22 лістапада стала вядома, што Ізраіль і ХАМАС у Катары падпісалі пагадненьне ад замірэньні на 4 дні. Пазьней замірэньне падоўжылі, але ўжо 30 лістапада яно спынілася пасьля ракет з Газы па Ізраілі, заявілі ў ЦАХАЛ.
- За час замірэньня з палону ХАМАС было вызвалена 105 закладнікаў, а з ізраільскіх турмаў 240 палестынскіх зьняволеных.
- 6 студзеня Ізраіль заявіў пра тое, што поўнач Газы зачышчаная ад баевікоў ХАМАС.
«Хэзбала» выпусьціла ракеты па Ізраілі на наступны дзень пасьля нападу ХАМАС, у кастрычніку 2023 году. З таго часу абстрэлы на мяжы адбываюцца амаль штодня. Дзясяткі тысяч жыхароў эвакуавалі з прымежных раёнаў з абодвух бакоў.
«Хэзбала» — ваенізаваная групоўка і палітычная партыя, якая кантралюе значную частку паўднёвага Лібану. Злучаныя Штаты лічаць яе тэрарыстычнай арганізацыяй. Эўрапейскі Зьвяз унёс у свой сьпіс такіх арганізацыяў толькі яе ўзброенае крыло, але не палітычную партыю (партыя «Хэзбалы» прадстаўлена ў парлямэнце Лібану). «Хэзбала» таксама ёсьць часткаю так званай іранскай «восі супраціву» — сеткі іранскіх давераных асобаў і падтрыманых Тэгеранам групаў баевікоў, якія выступаюць супраць Ізраілю і ЗША. - Увосень 2024 году рэзка вырасла супрацьстаяньне на ізраільска-лібанскай мяжы. «Хэзбала» атакавала Ізраіль, а ў Тэль-Авіве вырашылі правесьці сэрыю авіяналётаў, каб зьнішчыць атакавальны патэнцыял «Хэзбалы».
- 23 верасьня Ізраіль распачаў першую з 2006 году наземную апэрацыю на поўдні Лібану, калі пачалася Другая лібанская вайна (Ліпеньская вайна). Апэрацыю назвалі «Стрэлы поўначы».
- 27 верасьня Ізраіль нанёс магутныя ўдары па Лібане і забіў лідэра «Хэзбалы» Хасана Насралу.
- 3 кастрычніка Армія абароны Ізраілю паведаміла пра атаку на аб’екты «Хэзбалы» ў Бэйруце.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.