Міністар унутраных спраў Літвы Агне Білатайце заявіла аб намеры Латвіі, Эстоніі, Украіны, Фінляндыі, Польшчы і Нарвэгіі правесьці супольныя рэгіянальныя вучэньня для адпрацаваньня альгарытмаў дзеяньняў пры закрыцьці мяжы зь Беларусьсю.
«Гэтыя крытэрыі ўжо распрацаваныя, мы пацьвердзілі, што плянуем правесьці пэўныя вучэньні нашых ведамстваў», — працытавала літоўскае выданьне LRT літоўскага міністра.
Паводле яе, сёньня кіраўнікі міністэрстваў унутраных спраў эўрапейскіх краін пацьвердзілі супольны фармат дзеяньняў. «Нашыя супольныя дзеяньні — гэта вельмі сур’ёзны сыгнал, найперш, для Беларусі, і яны гэта сапраўды адчулі, што мы сапраўды вельмі сур’ёзна гатовы дзейнічаць разам», — падкрэсьліла Агне Білатайце.
Кансультацыйная сустрэча кіраўнікоў МУС краін–суседак Беларусі. Вільня, 27 кастрычніка 2023
Ранейшыя перамовы ў Варшаве міністэрстваў ўнутраных спраў краін ЭЗ, якія мяжуюць зь Беларусьсю і Расеяй, тычыліся гібрыдных пагроз, аховы межаў і нелегальнай міграцыі. Тады быў узгоднены парадак закрыцьця мяжы зь Беларусьсю.
Кансультацыйная сустрэча кіраўнікоў МУС краін–суседак Беларусі. Вільня, 27 кастрычніка 2023
Кансультацыйная сустрэча кіраўнікоў МУС краін–суседак Беларусі. Вільня, 27 кастрычніка 2023
ГЛЯДЗІЦЕ ТАКСАМА: Чаму мяжу зь Беларусьсю не закрылі і ці закрыюць яе ўвогуле, — тлумачыць палітоляг Казакевіч ГЛЯДЗІЦЕ ТАКСАМА: Польшча, Літва, Латвія і Эстонія патрабуюць ад Беларусі вывесьці «Вагнэр» і спыніць мігранцкі крызіс ГЛЯДЗІЦЕ ТАКСАМА: Літва ацэньвае магчымасьць закрыцьця іншых пунктаў пропуску на мяжы зь Беларусьсю ў сувязі з кантрабандай