Паводле арганізатараў, удзел у сходзе прынялі прадстаўнікі 4 партыяў і болей за 20 грамадзкіх аб’яднаньняў і ініцыятываў.
«Прадстаўнікі партыі „Народная грамада“ і некаторых іншых партыяў і грамадзкіх аб’яднаньняў афіцыйнага ўдзелу ў працы сходу не прымалі, але пагадзіліся ўдзельнічаць у працы аб’яднаньня ў статусе назіральнікаў. У якасьці гасьцей на сходзе прысутнічалі прадстаўнікі Аб’яднанага пераходнага кабінэту і Каардынацыйнай рады».
Паводле аргкамітэту, удзел у сходзе прынялі прадстаўнікі грамадзкіх і палітычных аб’яднаньняў з Варшавы, Беластоку, Гданьску, іншых польскіх гарадоў, а таксама беларускіх дыяспараў ва Ўкраіне, Літве, Расеі.
Найбліжэйшымі задачамі патрыятычнага аб’яднаньня назвалі аднаўленьне субʼектнасьці нацыянальна-дэмакратычных сілаў у палітычным працэсе ў новых умовах, вяртаньне адкрытасьці й плюралістычнасьці ў беларускае грамадзка-палітычнае поле, актыўны ўдзел у працы па стварэньню паўнавартасных інстытутаў новай беларускай улады.
На сходзе ўхвалілі заяву аб стварэньні аб’яднаньня «Нацыянальна-дэмакратычная плятформа», а таксама стварылі рабочыя органы, неабходныя для працы новага аб’яднаньня.
ГЛЯДЗІЦЕ ТАКСАМА: «Натхнялася гісторыямі беларускіх жанчын, іх харызмай, адвагай». У Варшаве адкрылася выстава «Сукенкі за свабоду». ФОТА ГЛЯДЗІЦЕ ТАКСАМА: Зьехаць і не вярнуцца. Хто з эмігрантаў зьбіраецца вяртацца на радзіму — аналіз сацыёляга Коршунава