Літоўскі банк Šiaulių bankas паведаміў аб спыненьні з 11 кастрычніка апэрацый з плацёжнымі карткамі на тэрыторыі Беларусі.
Як адзначаецца ў паведамленьні банку, гэта зроблена ў межах выкананьня эўрапейскіх і міжнародных санкцый, уведзеных супраць уладаў Беларусі пасьля прэзыдэнцкіх выбараў і падтрымкі Аляксандрам Лукашэнкам расейскай вайны супраць Украіны.
«Гэта азначае, што аплата плацёжнымі карткамі Šiaulių bankas у месцах гандлю або аказаньня паслуг на тэрыторыі Беларусі будзе немагчымая», — паведамілі ў банку.
Зь верасьня Šiaulių bankas ужо ўвёў частковыя абмежаваньні выкарыстаньня сваіх картак на тэрыторыі Беларусі.
Дзеяньне банкаўскіх картак у Расеі спынілі ў сакавіку 2022 году.
Раней цалкам спынілі дзеяньне сваіх картак у Беларусі тры іншыя літоўскія банкі — Luminor, Swedbank і SEB.
ГЛЯДЗІЦЕ ТАКСАМА: Буйны эстонскі банк LHV Pank спыняе прыём плацяжоў зь Беларусі ГЛЯДЗІЦЕ ТАКСАМА: Банкаўскія карты Swedbank ня будуць працаваць у Беларусі з 6 верасьня