Фонд зарэгістравалі 25 кастрычніка 2022 году рашэньнем № 54 па адрасе: Менск, вул. Чырвонаармейская, д. 15. Там знаходзіцца новая рэзыдэнцыя са SPA-цэнтрам, басэйнам, канфэрэнц-заляй, працоўным кабінэтам і спальняй, адзначае сайт Reform.by.
Выданьне атрымала падрабязную выпіску з рэестру. У ёй няма ніякіх кантактных дадзеных ці інфармацыі аб заснавальніках фонду. Ёсьць толькі інфармацыя аб ведамаснай падпарадкаванасьці — «Іншыя юрыдычныя асобы бязь ведамаснай падпарадкаванасьці». У якасьці формы ўласнасьці ўказана «маёмасьць недзяржаўных юрыдычных асоб безь дзяржаўнага і замежнага ўдзелу».
Раней дакумэнтацыю на новы аб’ект атрымалі былыя сілавікі з BelPol.
Лукашэнка 21 верасьня асабіста пракамэнтаваў інфармацыю аб новай рэзыдэнцыі. Ён заявіў, што будынак быў перададзены Менгарвыканкаму і на «другіх паверхах» ён нібыта даручыў разьмясьціць дабрачынныя фонды, закрытыя ўладамі.
ГЛЯДЗІЦЕ ТАКСАМА: Незапатрабаваны палац у цэнтры Менску. Навошта Лукашэнку спатрэбілася яшчэ адна рэзыдэнцыя ГЛЯДЗІЦЕ ТАКСАМА: Навошта Лукашэнку яшчэ адна рэзыдэнцыя. Вынікі тыдня з Валерам Карбалевічам. ВІДЭА