У Галоўным упраўленьні выведкі Міністэрства абароны Ўкраіны паведамілі, што расейскія сьледчыя пачалі расьсьледаваньне дывэрсіі, у выніку якой 18 верасьня на аэрадроме «Чкалаўскі» істотныя пашкоджаньні атрымалі два самалёты і адзін верталёт.
«Падзея выклікала вялікую гістэрыку ў вышэйшых калідорах улады — на аэрадроме базуюцца ўрадавыя самалёты, так званыя „самалёты суднага дня“ і спэцыяльныя самалёты (выведнікі)», — адзначаецца ў паведамленьні ўкраінскай вайсковай выведкі.
Паводле ўкраінскіх выведнікаў, невядомыя асобы на аэрадроме, які пільна ахоўваецца, заклалі выбухоўку і падарвалі самалёты Ан-148 і Іл-20 (яны адносяцца да 354-га авіяпалка спэцыяльнага прызначэньня), а таксама верталёт Мі-28Н, які актыўна далучалі для барацьбы з дронамі над Маскоўскай вобласьцю.
ГЛЯДЗІЦЕ ТАКСАМА: У брытанскай выведцы назвалі атаку дронамі на Расею 30 жніўня найбольшай за ўвесь час вайны«Пашкоджаньні самалётаў не дазваляюць разьлічваць на іх хуткае аднаўленьне. У верталёта выбух пашкодзіў хваставую частку. Яшчэ адзін Ан-148, які знаходзіўся побач зь іншымі на стаянцы, атрымаў нязначныя пашкоджаньні», — адзначаецца ў паведамленьні ўкраінскай выведкі.
Вайсковыя выведнікі Ўкраіны сьцьвярджаюць, што «каральныя органы Расеі» шукаюць дывэрсантаў і забаранілі распаўсюджваць інфармацыю ў мясцовых СМІ.
Аэрадром «Чкалаўскі» знаходзіцца ў Маскоўскай вобласьці на адлегласьці 30 кілямэтраў ад расейскай сталіцы.
У расейскіх СМІ інфармацыя аб гэтым інцыдэнце адсутнічае.
ГЛЯДЗІЦЕ ТАКСАМА: «Зьнішчаны, а ня проста пашкоджаны» — зьявіліся фота падбітага дэсантнага карабля «Минск» ГЛЯДЗІЦЕ ТАКСАМА: Зьявіліся здымкі падбітай украінцамі расейскай падводнай лодкі, якія сьведчаць, што рамонт немагчымы. ФОТА