Былы начальнік аддзелу мабільнага апэратара МТС Аляксей Кузьмін асуджаны на 7 гадоў пазбаўленьня волі ў калёніі ўзмоцненага рэжыму «за распаўсюд пэрсанальных зьвестак і ўдзел у масавых мерапрыемствах».
Як паведамляюць праваабаронцы «Вясны», прысуд палітвязьню вынес судзьдзя Сяргей Хрыпач.
Паводле дзяржаўнага абвінаваўцы Дзьмітрыя Хаваўкі, падсудны з жніўня 2020 па красавік 2021 году зьбіраў і перадаваў у тэлеграм-канал «Чорная кніга Беларусі» асабістыя зьвесткі сілавікоў, дзяржаўных службоўцаў, як піша БелТА, «грамадзкіх дзеячоў».
Таксама Кузьміна абвінавацілі ва ўдзеле ў несанкцыянаваных акцыях у жніўні і верасьні 2020 году.