Міжнародная фэдэрацыя водных відаў спорту дазволіла атлетам з Расеі і Беларусі ўдзельнічаць у спаборніцтвах індывідуальна і ў нэўтральным статусе.
World Aquatics зацьвердзіла крытэры для допуску на сусьветныя спаборніцтвы ў водных відах спорту, паведамляе «Настоящее время». Атлеты з Расеі і Беларусі змогуць узяць удзел як асобы, безь сьцягоў і гімнаў. У адным спаборніцтве можа ўдзельнічаць толькі адзін спартовец.
Таксама да ўдзелу дапусьцяць толькі тых, хто не зьвязаны зь сілавымі структурамі і не падтрымлівае вайны з Украінай. Як такую падтрымку могуць расцаніць публікацыі ў сацсетках, удзел у мітынгах і любую дэманстрацыю ваенных сымбаляў, напрыклад, літары Z.