Судзьдзя суду Наваполацку Сьняжана Калінічэнка яшчэ 10 жніўня пастанавіла арыштаваць на 20 сутак мясцовую прадпрымальніцу Алену Зуброву. Пра гэта цяпер стала вядома праваабаронцам «Віцебскай Вясны».
На думку судзьдзі, Зуброва правяла ў сацыяльных сетках не дазволены ўладамі пікет і віртуальна распаўсюдзіла «экстрэмісцкія» матэрыялы.
У судзе былі агучаныя доказы таго, што Зуброва на сваёй старонцы ў Facebook мела спасылку на канал Радыё Свабода. Таксама, паводле суду, Алена правяла без дазволу Наваполацкага гарвыканкаму пікет у Facebook, які складаўся ў тым, што яна зьмясціла ў сацсетцы сваю фатаграфію на фоне сьцяга Украіны.
Жанчына на судовым паседжаньні віны не прызнала.
ГЛЯДЗІЦЕ ТАКСАМА: «Быў астматыкам, але выпрошваць інгалятар даводзілася з боем». Журналісты даведаліся падрабязнасьці пра сьмерць мужчыны на Акрэсьціна ГЛЯДЗІЦЕ ТАКСАМА: Навіны палітвязьняў: зьнікла сувязь з палітзьняволеным інвалідам Уладзімерам Гундарам