Аб гэтым паведамляе газэта The Guardian са спасылкай на крыніцы.
«Я думаю, вы бачыце, як яны сканцэнтраваліся на Запароскім фронце», — заявіла крыніца газэце, камэнтуючы вынікі сустрэчы.
У нарадзе прынялі ўдзел галоўнакамандуючы Ўзброенымі сіламі Ўкраіны генэрал Валерый Залужны, вярхоўны галоўнакамандуючы аб’яднанымі ўзброенымі сіламі NATO ў Эўропе амэрыканскі генэрал Крыстафэр Кавалі, а таксама начальнік штаба абароны Вялікабрытаніі Энтані Радакін.
2/2. Russia underestimates Ukraine’s resilience and resolve, continued military strength and expertise, and the solidarity of its allies. pic.twitter.com/ddHIyaLxOw
— Chief of the Defence Staff 🇬🇧 (@AdmTonyRadakin_) August 18, 2023
Сустрэча адбылася ў сакрэтным месцы на польска-ўкраінскай мяжы, яна працягвалася пяць гадзінаў. Вайскоўцы абмяркоўвалі ўкраінскае контрнаступленьне, пляны баявых дзеяньняў на зіму і пляны на 2024 год.
Як адзначае газэта, раней Радакін адправіўся ў Кіеў, дзе ён правёў сустрэчу з прэзыдэнтам Украіны Ўладзімірам Зяленскім, каб лепш разумець стратэгію Ўкраіны і таго, як Захад мог бы дапамагчы.
ГЛЯДЗІЦЕ ТАКСАМА: Падаляк: Украінскі контранаступ будзе «працяглым і цяжкім»