Недабудаваны лікёра-гарэлачны завод можна купіць у вёсцы Лешчанка Наваградзкага раёну. Пачатковая цана – больш за 532 тыс. рублёў (каля 169 тысяч даляраў).
На паведамленьне на сайце Беларускай унівэрсальнай таварнай біржы зьвярнула ўвагу Наша Ніва.
Гэты завод будавалі дзесяць гадоў з 1992 году. Яго прадае адкрытае акцыянэрнае таварыства «Прынёманскі». Таргі прызначаныя на 18 верасьня, заяўкі прымаюць да 13 верасьня.
Раней на аўкцыён выстаўлялі лікёра-гарэлачны завод «Мажэйкава» у Лідзкім раёне. Пачатковы яго кошт быў 20,3 млн рублёў, аднак прадаць лот пакуль не ўдалося.